Hihira 9:2 - Ma Jou ai Demo-demo o Totobelohoka

² “Abeika ngini nialeha-leha o Sikeme manga balu-baluhika la manga hininga sarakia ma titi manga koano. Abe nako manga hininga la yagoraka o Gideono ai ngofaka yamoritumidi gea la yahipareta onangika, eko koaho o nauru womatengo dika wahipareta, de gea ma titi ngohi naa ka idadi tahipareta. De ufa ona yawohanga abe ngohi naa duru o wariki moi de de ona.”

Hihira 9:2 ပူးပေါင်းရင်းမြစ်များ

Dodadi 29:14

De gea wiade-ade ai pepeika ibooto de o Labana wato, “Igoungu ngona naa ahi daho ma dutu.” Ho o Yakubu womahidodogumu ai pepeoka ai dekana ai mede moi adonoka.

Efesusu 5:30

angamoi ngone homoi-homoi hodadioka hoka to Una gea ai badanga ma kiahonanga.

Ibarani 2:14

De igoungu abe ngone Ma Jou ai ngofa-ngofaka naa, ngone o nyawa abe de nanga roehoka de nanga awunoka, de o Yesusoo wodadioka o nyawa la ai rupa duru imaketero hoka ngoneoli, abe ma oraha gea de Unangoo naga de ai roehoka de ai awunoka. De gea ma titi o kia ai hiningaka hiadono wodadi o nyawa? De gea o nyawa wodadi la ka idadi wohonenge, angamoi gea ai hininga ma dumutu la ai hohonengino de o Ibilihi ma haeke ma kuaha wawedere, abe ena gea ikoano o hone-honengoka. De duru hokogea idadioka abe wawederoka o Ibilihi ma haeke ma kuaha,

Hihira 8:30

De to una ai ngofaka o nau-nauru yamoritumidi manga ngoe angamoi o Gideono ngoi fekata ko manga ngoe.

Hihira 9:18

Masara abeika nia hibalaha sarakia o wange naa? Ngini ka niwiporete unangika de ai tauikaoo, de hongoli niabaata onangika! Abe to una ai ngofa-ngofaka yamoritumidi niatomaka o hakaru ma amoko moi ma lokuoka. De gea ipahaino de niwigoraka womatengo abe womaboa ahi baba ngoi fekata o gilaongino dika la winihikoano ngini o Sikeme ma balu-baluhu. De niwigoraka una gea ma titi moi dika, abe una de ngini o wariki moi.

Hihira 9:5

De ahao una de ai nyawa gea yomakutuono yoiki ai baba ai kapongika abe ma romanga o Ofara. De genangoka ona yatoma ai baba o Gideono ai ngofaka yamoritumidi, abe ona gea manga baba womatengo masara manga ayo yomaleko. De gea ona mata-mata yatoma o hakaru ma amoko moi ma lokuoka. Masara nako ma ngofaka duru ma baha o Yotama, una dika ko iwidaenua angamoi una wakunu woara de womagogonika.