Hihira 9:16 - Ma Jou ai Demo-demo o Totobelohoka

¹⁶ De ahao o Yotama wahitararono ma hiketero ma titi onangika wato, “Ho naa ngohi tinihigaro la niongano-nganono de nimatailako ti ngini nia hininga abe ma titi naa ma duru niwigoraka o Abimeleke de niwihidadi nia koano. Sarakia, ma oraha nimaputuhu gea de o totiai ma hininga nianiiki? De gea maraioka niafikirika ma titi o Gideono ai baliara ma rahai nginika ho ti ngini nia putuhu bote o hibalaha duru irahai to una ai tauika la imakataana de ai hininga ma rorahai nginika, eko sarakia? Koua, marai duru hokogenangua, e?

Hihira 9:16 ပူးပေါင်းရင်းမြစ်များ

Hihira 6:32

De ona iwigihene ho o wange gea de o Gideono iwihiromangoli, “O Gideono de o Baala yokadatoro o huhuba ma ngi.” De ai romanga yaturuuru hokogea angamoi o Baala ma huhuba ma ngi abe o Gideono wakiliangoka.

Hihira 8:35

De hiadono manga horomati o Gideono ai tauikaoo ko iwaka angamoi yaniiki dika o Baala hiadono ngaro o Gideono duru waduhunu ona o Isiraele ma nyawa masara naa wohonengoka de yorehenokali enangika abe duru ma dorouika.

Hihira 9:15

De ma gota gea ipaluhu ato, “Nako ngini niagou-goungu nihiiriki ngohi la niato tinihikoano nginika, gea ngini kiani nikokiboa ngohino de nimahitatoko ahi jaga-jaga ma timiuku. De ahao ngohi duru tinigoa-goana irahai. Masara nako hokogenangua nia hininga de ahao ngohi tinihibinaaha. De gea ahao imaketero hoka o uku ka idadi iharabaka / ihupu ahi jaga-jagaka de aino la o semara ma gota o Libanonoka youkuoka hiadono ihibinaahaka!’ Hokogea ahi hiketero ma ade-ade.”

Hihira 9:17

Abeika tinihihohininga ma titi ahi baba ai datoro. Angamoi ma dihiraino de una womahidoaka ai wowango la ka idadi winiduhunu de winihihupu nia musu o Midiana ma nyawa manga giamino.