Hihira 9:10 - Ma Jou ai Demo-demo o Totobelohoka

¹⁰ “Ho ipahaino de ma gota ma ngoe gea itemoli o gogilioro ma gotaika abe ihigaro ato, ‘Irahai la ngona dika nodadi mia koano!’

Hihira 9:10 ပူးပေါင်းရင်းမြစ်များ

Hihira 9:11

Masara ma gogilioro enangoo yoluku ma demo gea de itemo ato, ‘Ngohi duru toluku tanoaika ahi tagongo ma rorahai, abe ngohi tohitobahofoko ahi hofoko abe duru kohamutiti. Ho done ma titi o kia hiadono ahi tagongo gea taturuuru la tinihikoano dika nginika?’”

Hihira 9:9

Masara ma saitunu gea ipaluhu ato, ‘Ngohi naa duru toluku todadi o koano! Angamoi ko toigoua tamalaika dika ahi tagongo abe tohitobahofoko o saitunu ma minya. Abe ngaro o nyawaoo de o jou-jouoo masara gea mata-mata yamake manga utumu ma titi ahi saitunu ma minyaino. Ho koaho ufa todadi ti ngini nia koano!’ Hokogea ma saitunu ma demo.”

1 Samuele 2:30

“Ngohi Ma Jou o Yawe, o Isiraele ma nyawa manga Jou de ma dihiraino tahibehehongo ani doomu ma famika, abe o Lewi ma dutuino, tato ahao ngini ka idadi nihileleani Ngohi ka hiado-adonika. Masara ko idadiokaua hokogea angamoi ahi behehongo gea ngini inihange naa niaolukoka! Ngohi de ahi horomati tomalega onangika abe manga horomati naga Ngohino. Masara ona abe ihiemono Ngohino, kiani Ngohioo taoluku ona gea.