Hihira 8:6 - Ma Jou ai Demo-demo o Totobelohoka

⁶ Masara o Sukoto ma kota ma dimo-dimono gea ato, “Ho ngini ko niataokuahi manga koano o Seba de o Samuna e? Abeika ngini nigila-gila dika de nihitaili la niataoko. De nako igoungu ka idadi niapoa niataoko de ahao ngini niboali naangino de marai ka idadi ngomi de mia horomati minihiolomo.” Hokogea yahohedu o Gideono de ai tentara gea.

Hihira 8:6 ပူးပေါင်းရင်းမြစ်များ

Dodadi 25:13

O Isimaele ai ngofaka o nauru yangimoi de yahinooto de naa manga roma-romanga abe una o riakoka de yomakadatekuku hiadono ai doo-dodotuku. Ho o Isimaele ai ngofaka o riaka o Nebayoto, de ahao widateke o Kedara, de ukuoli o Adabeele, de ahao o Mibasama.

Dodadi 37:25

De ahao ma oraha ai ria-riaka yolomo de yamake o Isimaele ma nyawa manga ngoe yoboaino abe manga dodagi ma goronaka de gea manga dumutu o Mesiirika. To ona manga gogere o Gileada ma tonakoka abe ma romanga moioli o Midiana. De ona naa yapake manga unta la manga kiahonanga ihibarene de yao o Mesiirika. Manga kiahonanga gea o gota ma hilo o fara hange abe ma roma-romanga o damara, o balama de o muuru. De o hilo mata-mata gea de ma ijaka ho hiadono yao o Mesiiri ma tonakika la ato yofukunu genangoka.

Dodadi 37:28

Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.

1 Kokoano 20:11

De o Ahaba, o Isiraele ma nyawa manga koano, una wipaluhu o Bene-Hadadika de ai hitiari ma demo, wato, “O tentara abe ka womahidiaiohi la ahao o nyawa waparangi de tanu ufa una wohitihira de ai lolaku ma higiriiri la womagorakiye. Masara nako o tentara wolakuoka hiadono wolioka o parangi ma lolakuino de ai parangi ma dadatoko ma baju wahuputu ibootoka de ahao itaana una womahigiriiri.” Hokogea o Ahaba ai babaluhu ma demo o Bene-Hadadika.

Filiipi 2:21

O nyawa utu abe naga nenangoka, homoi-homoiika ona mata-mata to ona dika manga mau yolegaika, de o Yesusu Kristusu ai mau ko yamagaweua yolega enangika.

Hihira 5:23

Masara, abeika o Isiraele ma nyawa utu, onangoo o kokangela yamake, Abe o Meroso ma kota itigi ma ona ko yoboaua iwiduhunu Ma Jou o Yawe, Ho Ma Jou o Yawe ai malaekata wagahoko o kokangela o Meroso ma nyawaika, O kokangela kohadubuho adaene angamoi manga dutu yanoaika dika. Ona ihioriki gea o tentara yotualono abe Ma Jou o Yawe de ai nyawa yahimanga, masara o Meroso ma nyawa gea manga duduhunu duru ko iwa.

Hihira 8:15

Gea manga romanga yamakeoka de ahao yogila-gila hiadono yoboali o Sukoto ma kotaika de genangoka o Gideono wahoko o Sukoto ma kota manga dimo-dimono mata-mataika de ahao onangika wahimatoko o Midiana manga koano yahinooto abe yataokino gea de wato, “Niaino la niamake o Seba de o Samuna abe ma dihira nihihohedu niato bote ngomi ko miapoaua miataoko ona yahinooto naa. De hokogea nia demo hiadono ka nioluku nimihiolomo ngaro duru ngomi imiboleoka. Hokogea ngini nimihidogo mia kangela.”

Hihira 8:5

De yogila-gila hiadono yoboa o Isiraele ma nyawa manga kota o Sukoto de watutumu o kota ma dimo-dimono de wotemo onangika wato, “Ngohi tagahoko dika ahi tentara manga inomo angamoi duru yaboleoka de tanu ko ihimoroinua togahoko hokogea masara ngomi kiani ka migila-gilahi mianiiki o Midiana manga koano o Seba de o Samuna abe yoaroka ho duru mionganono la nimiduhunu.” Hokogea o Gideono ai gogahoko.