Hihira 8:3 - Ma Jou ai Demo-demo o Totobelohoka

³ Abeika Ma Jou winihidoaka o lolaku nginika abe utuohi hohigiriiri. Ngini niataoko o Midiana manga tentara ma balu-baluhu o Koyo-koyo de o Dualono ma Kaho abe ka onangohi kiani hahibinaaha. Ho nako hohidikilo ti ngini nia lolaku de to ngohi ahi lolaku gea to ngohi ko kia-kiaua. Ho ngini ka idadi nimaimono ma titi nia lolaku o parangi ma goronaka naa duru irahai.” Ka de o Efaraimi ma nyawa yoihene o Gideono ai lalaru ma demo gea de manga ngamo ikurangoka.

Hihira 8:3 ပူးပေါင်းရင်းမြစ်များ

Sosawaro 15:1

Nako idadi abe o nyawa inangamo ngoneino, ahao ma titi nanga babaluhu ma bole-boleino de ka idadi manga hininga imaata. Masara nako hapaluhu de nanga demo ma hauku, utuohi manga ngamo ihidafaeiye!

Yohanese 4:37

De gea igoungu, hoka o nyawa manga demo ma dulu ato, ‘Utu hodatomo de utu houtuku.’

Roma 12:3

De mangale ma titi Ma Jou wohihidoaka ngohino ahi tagongo ma owa naa abe o Abari ma Rorahai tatobahingahu-ngahu o nyawaika, ho naga ahi kuaha Unangoka de aino la tinihitiari moi nginika. Abe ngini homoi-homoi kiani nihidodiai nimafikiri ma titi nia borihiakunu abe niamakeoka Unangoka de aino. De gea nia hiakunu winihikokodoku ma titi niwingakuoka Unangika, ho gea duru ko ihititiua ti ngini ma hirete nia wowangoka. Ho mangale ma titi nia hiakunu gea Unangoka de aino iboa, ho iti ufa ka nimagorakiyeholi masara koaho nimatailako de nimaetongo abe hokokia itaana de ma gou-goungu.

Roma 12:6

De ngone homoi-homoi naga nanga hiakunu Ma Jouoka de aino de gea ma hiakunu imaketemomomoi abe wonahikokodoku ngoneino. Ho ma hiakunu o kia dika abe wonahidoaka ngoneino, nanga hiakunino gea de kiani hileleani irahai Unangika. Ho naa tinihingahu ma titi ma hiakunu muruono abe Ma Jou wonahidoaka ngoneino. Abe ma hiakunu moi, gea nako wonahiakunu la ka idadi hoihene ai demo abe Una ma hirete wonatemo nanga hiningaino. De ahao kiani hadofanga o nyawaika Ma Jou ai hingahu ma demo gea, iti hongaku abe ma demo gea igoungu Ma Jouoka de aino iboa.

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.

Hihira 8:2

De o Gideono wabaluhu de ai demo ma bole-bole wato, “Ngohi naa tinihibaluhu de toigo tohikohowono ti ngini nia hasili o parangioka naa de to ngohi ahi parangi ma hasili angamoi ka imakohowono. Ngohi de ahi dodiawo abe ihiniiki ngomi miahikala nanga musu manga ngoe de ona o tentara biaha dika. Masara ngini niataoko manga tentara ma balu-baluhu abe yokokurutiye ho ti nginiohi nia hasili imutiti. Abe ngohi ka idadi tohiketero nanga lolaku ma hasili de nanga angguru ma redi ma hasili. Abe nako hohikohowono o angguru ma hofoko ma mutiti, tinileha, o angguru o kiahi duru imutiti, gea abe ihira hotofino eko ituruino hotofi? Ka ma houohi enangohi imutiti e? Hokogea tohiketero de nanga parangi angamoi ngaro ngomi o Abiesere ma dutuino mia hasili ihira ilamoko de ngaro ngini o Efaraimino nia hasili ko ilamokua masara ka enangohi imutiti.

Hihira 8:4

Masara o Gideono ko wabootuahi waparangi o Midiana manga tentara abe yoarika ho una de ai dodiawo yaratuhu hange gea ngaro duru yaboleoka ma, yogila-gila dika yaniiki la ato yataoko. Ho yomahiadono o Yorodani ma akere de yomahihora doka ma honongaika.