Hihira 7:7 - Ma Jou ai Demo-demo o Totobelohoka

⁷ De ahao Ma Jou o Yawe wihingahu o Gideonika wato, “Ngohi naa tapake ona yaratuhu hange dika nenanga abe yaale-aleme yokere de manga akiri la ngini o Isiraele ma nyawa tinihihupu nia kangelaino de o Midiana ma nyawa tahidoaka ti ngini nia giamino. Ho ona o doomu ma amoko naa nahigunoa la ona yokokilio nia dodogumika manga tauika.”

Hihira 7:7 ပူးပေါင်းရင်းမြစ်များ

Hihira 7:6

De ahao ona abe yodadi o doomu moi manga ngoe yaratuhu hange dika angamoi hokogea manga ngoe abe o akere yaale-aleme yokere de manga akiri. Masara o tentara utu mata-mata yatilabukuku de yahururutu yokere o akeruku.

Hihira 7:8

Ho o Gideono wahingahu o doomu ma amokika abe Ma Jou wato ka idadi yolio dika masara ko yoliouahi de una waleohi to ona manga bilaono de wahuloko la ona abe naga o guguli o domba ma tataduku kiani manga guguli yanoaika. Ho o Gideono waleino manga bilaono de manga guguli o domba ma tataduku ibooto de ona yosobo yokokilio manga dodogumu ma tauika abe o ngoerino yodiai. De naa o Gideono de ai tentara yogila-gila hiadono manga timiuku naga manga musu manga tentara abe o Midiana ma hidimono yatoomuino dau manga dodogumoka ma dolaka.

1 Samuele 14:6

De genangoka ahao o Yonatana witemo ai dodiawoika gea abe watobaao-ao ai kiahonanga wato, “Abeika ngone hoiki dokaika o Filistina ma nyawa gea manga gogoana ma ngiika. Abe ona gea duru ko iwihiorikua nanga Jou o Yawe, ho marai Una wosanangi wonaduhunu ngone naa. De nako Una gea duru ko iwa abe ka idadi iwihikala Unangika. Abe ngaro ai nyawa ko manga ngoe eko ka manga hohutulu dika masara ko adodoaua angamoi Una gea ka idadi wapake la wahikala nanga musuika!”

1 Samuele 23:4

O Dautu woihene manga demo gea ho wilehali Ma Jouika ma titi ma hidee gea. Masara Ma Jou o Yawe ai hininga ko watururua ho wato, “Nomasikaa la noikohi o Kehila ma kotaika, angamoi Ngohi naa ka idadi tahidoaka o Filistina ma nyawa gea to ngona ani giama ma hoatika.”