Hihira 7:24 - Ma Jou ai Demo-demo o Totobelohoka

²⁴ De o Gideono ai tentara yamuruono naga wahidingoto o loku-loku mata-mataika abe genangoka o Efaraimi ma nyawa yogogere la yadofanga o Gideono ai gogahoko onangika la onangoo yaduhunu. De ai demo yadofanga onangika hokonaa wato, “Ahi gogianongoru o Efaraimoka, ma oraha naa togahoko o duduhunu nginika. Kiani ngini nimiduhunu la haparangi o Midiana manga tentaraika abe ngini ka idadi niagoana angamoi ona utu yoara o Yorodani ma akerika de o akere ma jaga-jagaika ka hiadono o Beete-Baraika. Ho ngini niagoana la ufa yotobongo de yoara yogila-gila ti ngini nia loku-lokuika o Midiana manga tentara gea.” Hokogea o Gideono ai gogahoko onangika. De hokogea o Efaraimi ma nyawa yodiai ho yogoana o Yorodani ma akeroka de imahikaiha ka hiadono ma jaga-jagaika o Beete-Baraka yokokigoanoka. De manga musu ma tentara yataoko manga ngoe de yakokitoma.

Hihira 7:24 ပူးပေါင်းရင်းမြစ်များ

Habaku 3:7

De gea ngohi tamake o Kusana ma nyawa manga hijai-jai ma tau itoropaha, de ngaro o Midianoka manga tau enangoo ihigiwi-giwi.

Yohanese 1:28

De mata-mata gea idadi o Betania ma kapongoka abe naga doka o Yorodani ma akere ma honongaka, genangoka o Yohanese ma oraha gea o nyawa watobaohiki.

Roma 15:30

De naa, ahi gogianongoru, ngone mata-mata o ria-dodoto moi ma titi ngone mata-mata homahibaluhu abe nanga Baluhu idodutu o Yesusu Kristusika. De ngoneoo homakokodora mangale ma titi Ma Jou o Womaha naga ngone homoi-homoioka. Ho mangale ma titi nanga gogao de nanga dora gea, ho naa ngohi duru togahoko la ngini nihiduhunu ngohi abe ma titi nia niniatino. Abe ngohi duru tomagahoko Ma Jouika ma titi ahi dodagi o Yerusaleeme ma kotaika, de toigo la nginioo duru nihiduhunu abe nihigahoko Unangika ma titi ahi dodagi gea.

Filiipi 1:27

Masara ngaro hokokia dika idadi ngohino, ma iti ti ngini nia wowango niao irahai abe imakiniiki de o Kristusu ai Abari ma Rorahai. De nako hokogea nidiai, ngaro ngohi toboa tinitutumu eko ko toboaua, ma iti toihene abe nagahi nia dongohono nia ngongakuino, de abe nia hininga nimaketehiningamoi dika. De iti nimakokuduhunu de nia hininga ma dumutu moiika dika la nia ngongaku imahilaku ti ngini nia wowangoka, abe nia ngongaku gea o Abari ma Rorahaiino.

Hihira 12:5

De o Yefata de ai tentara ka de o Efaraimi manga tentara yahikalaka de ahao yagoana o Yorodani ma dodobongika la ufa o Efaraimi ma tentara ma hou yolio. Abe nako naga womatengo woigo womahihora ona ato done una o Efaraimi manga tentara womatengo woara wolio. Ho ona o dodobongino yogoana iwihuloko la wohitaili wofetongo o betongo moi abe ona iwileha ato, “Marai ngona o Efaraimi ma nyawa e?” De nako una wopaluhu wato, “Ko ngohiua,”

Hihira 8:3

Abeika Ma Jou winihidoaka o lolaku nginika abe utuohi hohigiriiri. Ngini niataoko o Midiana manga tentara ma balu-baluhu o Koyo-koyo de o Dualono ma Kaho abe ka onangohi kiani hahibinaaha. Ho nako hohidikilo ti ngini nia lolaku de to ngohi ahi lolaku gea to ngohi ko kia-kiaua. Ho ngini ka idadi nimaimono ma titi nia lolaku o parangi ma goronaka naa duru irahai.” Ka de o Efaraimi ma nyawa yoihene o Gideono ai lalaru ma demo gea de manga ngamo ikurangoka.