Hihira 7:1 - Ma Jou ai Demo-demo o Totobelohoka

¹ De ma dawangeino duru o ngoru-ngorumino o Gideono de ai tentara mata-mata yokokimomikiye de yokokiloiki manga dumutu manga musu ma doomuika masara yomahiadono o Harodo ma jobuubu ma ngi de genangoka yomahiainohi. De manga musu o Midiana ma nyawa manga tentara mata-mata yomahitoomuino ka moi, ho ona gea naga doka o loku ma honongaka o Yisereele ma dolaka abe o More ma loku ma timiuku.

Hihira 7:1 ပူးပေါင်းရင်းမြစ်များ

Dodadi 12:6

De ma oraha gea nagau o Kanani ma nyawa yogogere genangoka. O Abaraama de ona abe yomakutuono de una yomahiadonino o Kanani ma tonakino masara ona ka yogila-gila yowohama ho ka yotagi-tagiohi hiadono yoboa o Sikeme ma kapongo ma datekino. Abe genangoka naga o gota moi duru ma amoko de ma ngi gea ihiromanga o More, de yomahidodogumikahi o Moreoka.

Dodadi 22:3

De ma dawangeino ka o ngoru-ngoruminohi o Abarahaama womomiki de ai keledai wohidiai la ka idadi o huhuba ma gota wohibarene ma poretuku. De ai gilaongo yahinooto de ai ngofaka o Isaka wahokino. De ahao o gota wapelaka abe ahao wapake la ai huhuba wohiharongo. Ho mata-mata gea wodiai ibooto de ahao yosobo, o Abarahaama, o Isaka, de ai gilaongo yahinooto gea. De yoiki genangika abe Ma Jou wihingahuoka wato kiani genangoka womahihuba ai ngofaka.

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Yosua 3:1

De duru o ngoru-ngorumino o Yosua de o Isiraele ma nyawa yokokimomiki de ona yosobo ho manga ngi o Sitimi yanoaka de yoiki manga dumutu o Yorodani ma akerika. Masara ko yogila-gilauahi yotobongo o akerika ho yomahitigika dika de genangoka manga tau ihigokokali.

Yosua 6:12

De ma dawangeino o Yosua womomiki duru o ngoru-ngorumino de o hohidemo yomahidiai abe yomahimoku Ma Jou o Yawe ai Behehongo ma Peti la yao.

Hihira 6:32

De ona iwigihene ho o wange gea de o Gideono iwihiromangoli, “O Gideono de o Baala yokadatoro o huhuba ma ngi.” De ai romanga yaturuuru hokogea angamoi o Baala ma huhuba ma ngi abe o Gideono wakiliangoka.

Hihira 6:33

De ko itedekanua ipahaika naga o Midiana manga tentara de o Amaleke manga tentara de o nyawa utuoli o wange ma hiwariha ma tonaka ma kakaahaino ko manga ngoe yomakokitoomuino de manga hidee yaparangi o Isiraele ma nyawaika. Ho ahao o Yorodani ma akere yomahihora doka o Isiraele ma nyawa manga tonakika de ahao yoiki yogila-gila o Yisereele ma dolaika de manga parangi ma doomu genangoka yodiai ho ihikokigoko manga tau o ngoerino de duru yosana manga ngoe.

Hihira 6:40

De duru hokogea Ma Jou wodiai abe de ma ngorumino o Gideono womomiki de watailako de o domba ma kai ma gogo yodudungu masara o ngengedere ma ngi ma tonaka duru yopehaka mata-mataika.

Hihira 8:29

De o Gideono abe ma dihira una iwihiromangoli, “Una de o Baala yokadatoro o huhuba ma ngi,” ahao wolio ai tauika abe o Ofara ma kapongoka de wogogere genangoka.

1 Samuele 12:11

Hokogea ngini nihigali-gali niwihibehehongo Ma Jouika masara ahao ipahaika nia behehongo gea ko nianiikokauali! De abeika Ma Jou o Yawe ai duduhunu nginika abe wahidingoto o Gideono, de o Baraka, de o Yefata la inihihupu nia kangelaino hiadono nisosanangiokali. De naa ma bahaino, gea ngohi o Samuele abe Una Ma Jou wohipake ngohi la ka idadi nigogere nisosanangi to Una ai baliara ma goronaka.”

1 Samuele 29:1

Ho o Filistina manga tentara yomatoomuino de yomahidiaioka o Afeke ma kapongoka. De o Isiraele manga tentara onangoli yomatoomuinoka o jobuubuoka gea abe imanoa o Yisereeloka.