Hihira 6:7 - Ma Jou ai Demo-demo o Totobelohoka

⁷ De Ma Jou o Yawe wagihene manga gogahoko ma gari ma titi o Midiana ma nyawa yahikangela hiadono duru yomagahoko o duduhunu.

Hihira 6:7 ပူးပေါင်းရင်းမြစ်များ

Higiriiri 106:44

Masara manga kangela ma goronaka de Ma Jou ai dora ka ilakuohi, Abe de ai dora ma hiokoo wagihene ma oraha manga kangela ihiboa-boaka.

Hihira 3:9

Masara o Isiraele ma nyawa yohuhaholi ka hiadono duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengo ai romanga o Otiniele abe o Kalebe ai dodoto o Kenasa ai ngofaka. De o Otiniele gea Ma Jou wihiakunu la una ka idadi o Isiraele ma nyawa wahihupu manga kangelaino.

Hihira 6:6

Hokogea o Midiana ma nyawa yahikangela o Isiraele ma nyawaika o taongo tumidino hiadono duru yohuha. De hokogea hidutu manga huha duru kohadubuho de ahao yomagahokoli o duduhunu Ma Jou o Yaweiye.

Hihira 6:8

De wihidingoto ai uru ma dodofanga womatengo abe una Ma Jou wihiakunu de o hohininga ma demo la wahitararono o Isiraele ma nyawaika manga kangela ma titi. Abe manga kangela ma titi ona ko yomahijouokaua Unangika. Ho una Ma Jou ai uru ma dodofanga wahingahu onangika wato, “Hokonaa Ma Jou o Yawe, o Isiraele ma nyawa nanga Jou, ai demo nginika: ‘Ngohi naa nia Jou abe ma dihira tinihihupu ngini, o Isiraele ma nyawa, o Mesiiri ma tonakino abe genangoka ona inihidadi manga huhuloko.

1 Samuele 12:10

De o Samuele ai hohininga ma demo gea wohigila-gila wato, “De ipahaino de duru yokangelali de ona de manga huha ma gari yomagahokoli Ma Jou o Yaweika de yogari-gari yomangaku manga howono Unangika, ato, ‘Mia Jou, Ma Jou o Yawe, ngomi naa miahowono ma amokoka Ngonaika abe miniporetika de mimahuba-huba o Baala de o ngo Asitorete ma popangaoika. Masara ka de Ngona nomihihupu to ngomi mia kangelaino naa, abe mia musu imihikangela, de ngomi minihibehehongo ka Ngonaika dika mimahuba-huba.’