Hihira 5:9 - Ma Jou ai Demo-demo o Totobelohoka

⁹ Masara, ngohi o ngo Debora, tahoko o Isiraele ma nyawa la yoparangi, De manga hihira de ona mata-mata abe yahimanga nanga musu ato yomahidoaka la yaparangi. Ngohi naa ahi hininga duru itagi onangika de ahi dora de ahi horomati, Mangale ona yomahidiai inaduhunu nanga kangelaino. Hihiowa Ma Jou o Yawe!

Hihira 5:9 ပူးပေါင်းရင်းမြစ်များ

1 Tawari 29:9

De o Isiraele ma nyawa manga hidoaka Ma Jou o Yaweika gea duru ihititi manga garagoka de aino. Ona ka de yoihene abe ma titi manga hidoaka hokogea ma amoko de ma ngoe de duru yososanangi de manga higiriiri duru ilamoko. De manga koano o Dautu unangoo ai higiriiri duru ilamoko abe wodogarago ai nyawa manga hininga ma dumutu Ma Jouika.

Higiriiri 103:2

De ngohi tohigalioli tomatemo tato, “Iti ngohi tihigiriiri Ma Jou o Yaweika; De ufa tawohanga ma owa mata-mata gea abe wodiai la wohiduhunu.”

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.

2 Korintusu 8:17

De una gea ka de ngomi migahoko la una woiki winitutumu de una wodafongo dika mia demo, angamoi ka ma dihirahi de nagau to una ai hininga abe duru womagawe wato winitutumu ngini genangoka.

2 Korintusu 9:5

Ho ngohi tato koaho irahai ona yaruange tatihira tahidingoto nginika la inihigaro ka hiadono niabooto nia hiaturu ma titi nia dora ma hidoaka gea abe ma dihirainohi de niahibehehongoka niato ahao nidiai. Abe nako hoka ngini ko nitoomuahi de gea ngohi toboaka nginika de ahao niatoomu nia hidoaka, de gea ahao marai utu yataoko ihowono done ato ngohi tiniribuutu la nihidoaka. De ngohi toigo la nia dora ma hidoaka gea idadi nia hininga ma rorahaiino abe iboa ko o ribuutuinoua.

Hihira 5:2

“Ngone hihigiriiri Ma Jou o Yaweiye mangale Una wonahibalaha, Abeika ai duduhunu o Isiraele ma nyawa manga hihiraika, Ona yale manga tagongo de yahihira-hira manga nyawa, De manga nyawa yahigihene manga baluhu, de yanii-niiki, Yanii-niiki de manga sosanangi manga musuika yoparangi, Hihiowa Ma Jou o Yawe!