Hihira 5:4 - Ma Jou ai Demo-demo o Totobelohoka

⁴ “Ma dihiraino, Ngona, Ma Jou o Yawe, nahihira o Isiraele ma nyawa, De ma oraha abe o Seiri ma ngioka nosobo nomihihira o Edomika, Nomihidotobiki o Edomo ma nyawa manga tonakoka de ikelu-kelu, Mia dodagi ma goronaka de nohikelu-kelu manga tonaka. De naa ma duru o dihangoka naga o lobi itoomu ma biri-birini, La o lobi-lobino nohipuraraha o awana koharikimi.

Hihira 5:4 ပူးပေါင်းရင်းမြစ်များ

Dodadi 32:4

De ai nyawa gea wadotoko onangika wato, “Ho naa niloiki ahi baluhu o Esauika de kiani nihihiromanga unangika niato, ‘Ani gilaongo o Yakubu.’ De hokonaa nia demo unangika niato, ‘Ngohi naa ani gilaongo o Yakubu abe naa ma dekanino de ko homakamakeua ngona de ngohi abe ngohi ma dekanino naa togogere nanga pepeoka o Labanoka de ahao naa tolio.

2 Samuele 22:8

“Abe hokonaa Ma Jou wohiduhunu ahi musu manga hideeino. Una wodiai la o tonaka duru ikelu-kelu, de ngaro o loku-loku o dihanga ma timiuku masara enangoo wohikelu-kelu. De gea mata-mata wodiai ma titi ai ngamo ahi musuika.

Higalioli 33:2

“Ma Jou o Yawe Una woboa o Sinai ma lokuoka de waino ngoneino, de ipahaino de Una o Edomo ma lokuoka de wonahitawangeuku ngoneuku. De ipahainoli de Ma Jou ai dararono ma medebini inahitararono ngoneuku o Parana ma lokuoka de auku, de gea naga ai momalaekata yasana ngimoi abe iwinii-niiki Unangika. De ma oraha gea ai giama ma nirakoka naga wasoino o uku moi abe itoka-tokara.

Ibarani 12:26

De igoungu ma dodihiraino ma oraha Ma Jou wotemo o Sinai ma lokuoka de genangoka ma tonaka ihikelu-kelu ma titi ai ilingino. Masara ufa hafikiri hato ko iwaka ma oraha abe o nyawa duru iwimodongo Ma Jouika. Angamoi tanu ahao ma oraha adonoka de ma moiokali idadi abe imaketero hoka ma dodihiraino gea. Abe naga to Una ai Demo-demoino abe wohibehehongo wato, “Ahao ma moioli Ngohi naa tohikelu-kelu ma tonaka, masara gea ka ma tonakua dika ahao tohikelu-kelu, masara o dunia de ma dihangoo mata-mataika ahao Ngohi naa tohikelu-kelu.” Hokogea to Una ai behehongo ma demo.