Hihira 5:10 - Ma Jou ai Demo-demo o Totobelohoka

¹⁰ Abeika nitotoihene, ngini abe nia gogere ikokurutiye. Abe ngini naga de nia keledai ma rorahai, De ko niofarenuahi ma poretuku de niahinao ma keledaioka de nia ngoere, Abe enangoo ka ma rorahai dika. De ngini abe ka nimalou-lou dika ma ngekomika, Nginioo irahai nitotoihene ma lolaku ma ade-ade naa, La ngini mata-mata ka idadi niahingahu-ngahu utuika!

Hihira 5:10 ပူးပေါင်းရင်းမြစ်များ

Higiriiri 105:2

Ngone honyanyi Unangiye de gea hohinyanyi nanga higiriiri Unangiye. De ai heheranga wodiai gea haade-ade o nyawa mata-mataika.

Higiriiri 107:32

De duru itiai ona gea Ma Jou iwigorakiye manga ade-ade ma goronaka, Ngaro ma oraha ona yomatoomuino de ma titi o kia dika naga, De ngaro ma oraha manga tonakino ma dimo-dimono manga doomu ma goronaka, Ma, kiani ona yomaketeade-ade abe hokokia Ma Jou waduhunu.

Hihira 10:4

De o Yairi gea naga ai ngofaka o nauru yamoruange abe ona homoi-homoi yotobafarene o keledai ma oraha yotagi-tagi aika aino. De ai ngofaka gea onangoo homoi-homoi yahiboripareta o kota moruange o Gileada ma tonakoka. De ma kota moruange gea o nyawa ihiromanga enangika ka ma moi ato o Yairi ma / ai kota-kota. De ngaro hiadono ma oraha naa abe tohitulihuku ma ade-ade masara ma kota gea ka ihiromangohi o Yairi ma / ai kota-kota.

Hihira 12:14

De o Abadono to una ai ngofa-ngofaka o nau-nauru yamoruata manga ngoe de ai danongo o nau-nauru yokuranga abe manga ngoe ka ona yamoruange dika. De ai ngofa-ngofaka de ai dano-danongo o nau-nauru gea homoi-homoiika yotagi-tagi de yapake o keledai ho manga keledai moritumidi. De o Abadono gea wodadi o Isiraele ma nyawa manga hihira o taongo tufange ma dekana.