Hihira 4:3 - Ma Jou ai Demo-demo o Totobelohoka

³ De o Sisera wahipareta o goroba parangi o ratuhu hiwo. De o goroba parangi mata-mata gea yodiai o behino ho o Sisera de ai tentara duru de manga buturungu de yahikangela o Isiraele ma nyawa o taongo monaoko ma dekana. Hokogea yohuhaholi de ahao o Isiraele ma nyawa ihigali-gali yomagahoko Ma Jou o Yaweika la waduhunu.

Hihira 4:3 ပူးပေါင်းရင်းမြစ်များ

Higiriiri 106:42

De manga musu gea duru yahiwedere o Isiraele ma nyawa manga wowango. De duru yahitipokouku de manga kuaha ma dualono.

Huhupu 2:23

Ho de o taongo muruono ipopahaika ma dekana de o Mesiiroka manga koano o Firaunu una gea wohonengoka. Masara o Isiraele ai totoforauku gea ka yaribuutuohi yahikarajaanga hiadono ikiriakaholi ona ihigogururihi ma titi manga kangela ko yapoaua ma dubuho. De ona ka ihikaika o duduhunu yomagahoko Ma Jouiye.

Hihira 1:19

De ma oraha gea Ma Jou o Yawe Una naga de de o Yehuda ma nyawa gea de waduhunu la ka idadi yahikala o nyawa abe o loku-lokuoka de manga tonaka gea ka idadi yomahitoona. Masara o Yehuda ma nyawa ko akunua yahikala o nyawa abe yogogere o tonaka ma dola-dolaka, angamoi ma nyawa gea naga de manga goroba parangi. De manga goroba gea duru irahai, abe naga ma roda yodiai o behino.

Hihira 10:10

De mangale ma titi duru yokangelaka ho ipahaino de ona duru yomagaho-gahoko o duduhunu Ma Jou o Yaweika ato, “Ngomi naa duru miahowonoka. Abe ngomi miniporete Ngona la ka idadi mimahijou utuika, de gea mimahuba-huba o Baala ma popangaoika.”

Hihira 10:16

De gea yomagahoko ipaha de ahao ona mata-mata ka yaumo dika manga popangao de ma moioli yomahuba-huba Ma Jou o Yaweika. Ho ma bahauku de Una wamake abe manga hininga ma huha duru ilamokoholi, ho to Una ai dora ma hiokoo itagiokali onangika.

Hihira 3:15

De ahao ma moioli o Isiraele ma nyawa yohuhaholi ma titi o Moaba ma nyawa manga koano o Egono wahikangela. Ho ona duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengoli ai romanga o Ehudu la una wodadi manga hihira abe wahihupu manga kangelaino. O Ehudu una gea o Benyamini ma nyawa de ai baba o Gera de una o nauru abe wokubadi woto, o Ehudu gea. De naa adonoka ma oraha o Isiraele ma nyawa kiani iwihidoaka manga koano o Egonika manga pajaka ma tiwi de manga hidoaka ma hidogo o kiahonanga ma hali-hali. Ho manga hidoaka ihidiaioka de ahao o Ehudu iwiiriki la una wahihira-hira ona mata-mata gea abe yoiki o Isiraele ma nyawa manga hidoaka iwidotaka ma koanoika gea o Moaba ma tonakoka.

Hihira 3:9

Masara o Isiraele ma nyawa yohuhaholi ka hiadono duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengo ai romanga o Otiniele abe o Kalebe ai dodoto o Kenasa ai ngofaka. De o Otiniele gea Ma Jou wihiakunu la una ka idadi o Isiraele ma nyawa wahihupu manga kangelaino.

Hihira 4:13

Ka de o abari gea o Sisera woihene de watoomuino ai tentara de manga goroba parangi o ratuhu hiwo abe yodiai o behino gea. De ahao onangoo yomahidiai yoparangi. Ho yomakokitoomuinoka de ahao manga kota o Harosete-hagoimi yosobo de duru de manga buturungoka yotagi-tagi manga dumutu o Taboro ma lokuika. De yomahiadono o Kisono ma akerino abe o loku gea ma timiuku.

Hihira 4:4

De ma oraha gea naga o ngofeka ami romanga o ngo Debora abe Ma Jou womihiakunu la modadi Ma Jou ai uru ma dodofanga momatengo, de munangoo modadi o Isiraele ma nyawa manga hihira. De to muna ami rokata naga de ai romanga o Lapidoto.

Hihira 5:8

De abeika idadi ma oraha o Isiraele ma nyawa yomahijou o jou ma homoaika, Yomangiriki ihowono angamoi manga hininga adaene o popangaoika gea, Ho manga kimalaa de o kota ma dimo-dimono ma totiai ko yaniikokaua, Ho hiadono manga hiaturu manga kokawaahaika ko itiaiokaua. Ho ka de manga musu yoboa de onagona yaduhunu la yaparangi onangika? Naga o Isiraele manga nau-nauru yotentara yasana moruata, De kiani ona manga nyawa yagoana de yaduhunu nako o musu yahikangela, Masara, ko moiua yagoraka manga dadatoko de manga kuama! Hiokoo, nanga tentara ko yomoroinua nanga musu yaparangi! O kiaka nanga hihira o nau-nauru abe de manga domoroinoka?

Hihira 6:6

Hokogea o Midiana ma nyawa yahikangela o Isiraele ma nyawaika o taongo tumidino hiadono duru yohuha. De hokogea hidutu manga huha duru kohadubuho de ahao yomagahokoli o duduhunu Ma Jou o Yaweiye.

1 Samuele 7:8

De duru yomataiti yomagahoko o Samuelika, ato, “Mia baluhu, kiani ngone o Isiraele ma nyawa nonagahoko Ma Jou o Yaweika la Una wonaduhunu la ufa o Filistina ma nyawa inahibinaaha.”