Hihira 4:21 - Ma Jou ai Demo-demo o Totobelohoka

²¹ Masara o Sisera duru iwiboleoka ho jai-jai dika de iwikiookoka. De o ngo Jaele maleino o ngoere ma tau ma bebeloho de to ena ma boboha de moboa momabole-bole o Siseraino la ufa womimao. De ahao ami tau ma bebeloho ma dolomo mohidodiai mituduku o Sisera ai pongo-pongouku. De ma bebeloho masoino hokogea de ahao moboha ma barenuku hiadono mihidobututuku ka hiadono ihapongo ai pea ma timiuku de iwohama o tonakuku. Ho itodokanino de o Sisera wohonengoka angamoi o ngo Jaele mitomaka.

Hihira 4:21 ပူးပေါင်းရင်းမြစ်များ

1 Korintusu 1:27

Masara Ma Jou ai hininga la winiiriki ngini! Angamoi Ma Jou wonairiki ngone abe o dunia inahiromanga ato ngone hobodo, de gea wonapake ngone la ai ngirikino gea de wahimaleke o sosawaro ma nyawaika. De Una wonairiki ngone abe o dunia inaetongo ato ko iwa nanga kuaha de ahao ona abe de manga kuahaka wahimaleke ngoneino.

Hihira 3:21

De ahao o Ehudu de ai giama o gubadioka wale ai dopo-dopo ai uguru ma nirakino de witopoko duru o koano ai pokoroko la wihohonenge.

1 Korintusu 1:19

De gea ahi demo igoungu angamoi ka imakiniiki de to Ma Jouoli ai demo. Abe ma dihira naga itulihukuoka Ma Jou ai Demo-demo naa, abe Ma Jou wotemo wato, “O sosawaro ma nyawa manga sosawaro ahao tohibinaaha, de abe o sosawaro ma nyawa ahao ngohi todiai la ona ko ihiorikokaua.” Hokogea itemo Ma Jou ai Demo-demoka.

1 Samuele 17:43

De wotemo o Dautika wato, “Ho de ma titi o kia o gota o dodibako gea naoino? Bote ngona nato ngohi o kaho dika.” Hokogea wotemo de ahao o Goliata womulaenge womagahoko ai jou-jouika la iwihikoboto o Dautika.

Hihira 15:15

De genangoka naga o keledai ma okoko ma kobongo abe ko itedekanuahi ma keledai ihonenguku. De o Simsono wamake ma okoko gea de wagorakino de ena idadi ai dae abe wapake watoma o Filistina ma nau-nauru gea ka hiadono yasana moi watomaka.

Hihira 3:31

O Ehudu wohonengoka de ipaha o Filistina ma nyawa yahikangela o Isiraele ma nyawaika. Masara ipahaino de naga o Isiraeloka manga hihira womatengoli ai romanga o Samagara abe ai baba o Anata. De o Samagara gea ma moiuku una watoma o Filistina ma nau-nauru yaratuhu butaanga de ai dae o hapi ma boboha dika abe wapake hiadono wakokitoma yaratuhu butaanga gea.

Hihira 4:9

De o ngo Debora mihimoteke ai demoika, ho mato, “Ngohi tagoungu, ahao tininiiki ma oraha niloiki niaparangi o Kanani ma nyawaika gea. Masara mangale ngona nomangiriki hokogea ahao o lolaku ma higiriiri ko ngonaikaua angamoi Ma Jou ahao wapake o ngofeka la wihikala o Sisera de ai tentara. Ho o nyawa manga horomati de manga higiriiri ma dumutu munangika de ko ngona o Barakikaua.” Hokogea o ngo Debora mihitararono. Masara o Baraka ngaro motemo hokogea una wato wohingounu Ma Jou ai behehongika ho wosobo wolio o Kedesika de o ngo Debora miniiki.

Hihira 4:20

De o Sisera womihitiari wato, “Ngona kiani o ngoranoka nogoana done naga o nyawa yoboa yoigo yowohama. Ho nako naga o nyawa yoboa de inileha nako naga o nyawa utu nenangoka ngona nopaluhu nato, ‘Ko moiua naangoka.’” Hokogea o Sisera womidotoko.

Hihira 4:22

De ipaha o Baraka woboaino o Sisera wilingirohi de o ngo Jaele mohupu mibuhuku de motemo unangika mato, “Ahi baluhu, marai ka idadi tonihimatoko o nyawa gea abe ngona nilingiri, ho naino ahi tauino nowohama.” Hokogea miahoko ho o Baraka wominiiki ami tau ma goronaika de genangoka wimake o Sisera ai honenge de o ngo Jaele ami tau ma bebeloho naga ai peaka.