Hihira 4:19 - Ma Jou ai Demo-demo o Totobelohoka

¹⁹ De o Sisera womagahoko o akere, wato, “Ngohi duru ahi ngomaha yodudungu.” Ho o ngo Jaele maleino o susu de mihiokere de ahao mihidatamunoli de ma nanao gea.

Hihira 4:19 ပူးပေါင်းရင်းမြစ်များ

Yohanese 4:7

De ona iwitobaniiki o Yesusu iwinoaika o humuokahi de ona yogila-gila o kapongika gea la ka idadi yomaija manga inomo. Ho ona yosoboka de ahao naga momatengo o Samaria ma ngofeka moboaino momahionoko. De o Yesusu womagahoko munangika wato, “Hobata, ka idadi ani akere nohiguhe la Ngohi tokere?”

1 Kokoano 17:10

Ho o Elia wosobo woiki o Sarafata ma kotaika gea. De ka de womahiadono o kota gea ma ngoranika de naga genangoka momatengo mofao de naga ami gota matoomuino abe ena gea o gota ma jaga duru ma hohumuduru. De o Elia womiahoko wato, “Hobata, ka idadi nohile de ani boto o akere ngaro ma hutulu dika la ngohi ka idadi tokere?”

Dodadi 24:43

Abeika, ngohi naga nenangoka o humu ma datekoka de togahoko la muna gea abe ahao moboa momahionoko de ngohi tomagahoko ami akere la ngohi mohihiokere ami botoka de muna mohihidoaka. De Ngona Ma Jou nohiaturu la muna ahao mopaluhu ka idadi ngohino hokonaa:

Hihira 4:18

Ho ka de muna mimake o Sisera woboaino de mohupu ami tauino mibuhuku de mato, “Ahi baluhu nowohamino. Ngaro ufa ngona nohawana.” Hokogea o ngo Jaele miahoko ho wowohama ami tau ma goronaika de ahao muna migogono abe mitamunu de o nanao ma biri-birini.

Hihira 4:20

De o Sisera womihitiari wato, “Ngona kiani o ngoranoka nogoana done naga o nyawa yoboa yoigo yowohama. Ho nako naga o nyawa yoboa de inileha nako naga o nyawa utu nenangoka ngona nopaluhu nato, ‘Ko moiua naangoka.’” Hokogea o Sisera womidotoko.

Hihira 5:24

Ma, abeika o ngo Jaele ami duduhunu hiadono imihiowa ma amoko, Gea muna abe ami rokata o Hebere, de una o Keni ma nyawa, Ngaro o ngo-ngofeka mata-mataino abe yogogere o tau o ngoerino, Ma itiai ka munangohi imihiowa, ma titi ami duduhunu ngoneino.