Hihira 4:17 - Ma Jou ai Demo-demo o Totobelohoka

¹⁷ Masara manga haeke o Sisera ka wowangohi angamoi worehene ma gurutika womapopaata ai dumutu o tau moi ma hoanoka abe genangoka o Hebere, o Keni ma nyawa gea, wogogere. De genangika woara angamoi o Hebere de ai dutu ma doomu ona yomakao irahai de o Kanani ma nyawa manga koano o Yabini abe wogogere o Hasoro ma kotaka. Ho o Kanani ma nyawa manga tentara manga hidimono o Sisera womapopaata woboa o Hebere ai tauino de ngoi fekata o ngo Jaele naga o tau ma goronaka.

Hihira 4:17 ပူးပေါင်းရင်းမြစ်များ

Higiriiri 107:40

Ho Ma Jou o Yawe duru ko wadosanangiua manga hihiraika gea, Ho wadogopoa o himaleke onanguku hiadono wahidadi, La ona gea yodadioka yopoparadidu ma nyawa o tonaka ma kakaahaka.

Yesaya 57:21

De hokogenangoo o nyawa yotobatorou manga wowango, ho ona gea duru ko amakeua o hininga ma miriidi.” Hokogea to ngohi ahi Jou ai demo.

Hihira 4:16

De ngaro o Sisera ai tentara yoara de o goroba parangi masara o Baraka de ai tentara duru yanii-niiki de ko yomahiadonuahi manga kota o Harosete-hagoimi de ko yaiwaka angamoi o Baraka de ai tentara gea yakokitomaka de manga humaranga hiadono ko moiokaua o Sisera ai tentara.

Hihira 4:18

Ho ka de muna mimake o Sisera woboaino de mohupu ami tauino mibuhuku de mato, “Ahi baluhu nowohamino. Ngaro ufa ngona nohawana.” Hokogea o ngo Jaele miahoko ho wowohama ami tau ma goronaika de ahao muna migogono abe mitamunu de o nanao ma biri-birini.

Hihira 5:24

Ma, abeika o ngo Jaele ami duduhunu hiadono imihiowa ma amoko, Gea muna abe ami rokata o Hebere, de una o Keni ma nyawa, Ngaro o ngo-ngofeka mata-mataino abe yogogere o tau o ngoerino, Ma itiai ka munangohi imihiowa, ma titi ami duduhunu ngoneino.

Hihira 5:6

“Ma dihira ngaro ma oraha nanga hihira o Samagara, abe ai baba o Anata, De hiadono ma oraha abe o ngo Jaele naga ngoneoka, Masara nanga Jou ko wonanoaikaua ngaro to ngone nanga huha naga. Naa ma dekana nanga ngekomo ma rorahai ko idadiokaua o nyawa yapakeohi, Abe ona yaika yaino manga kiahonanga yotobafuku-fukunu ko yapakeokaua, Done naga o Kanani ma nyawa yahikangela manga dodagi ma goronaka, Ho ona yapake dika o rerehene ma ngekomo ngaro ijiko-jiko de itorou.