Hihira 3:9 - Ma Jou ai Demo-demo o Totobelohoka

⁹ Masara o Isiraele ma nyawa yohuhaholi ka hiadono duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengo ai romanga o Otiniele abe o Kalebe ai dodoto o Kenasa ai ngofaka. De o Otiniele gea Ma Jou wihiakunu la una ka idadi o Isiraele ma nyawa wahihupu manga kangelaino.

Hihira 3:9 ပူးပေါင်းရင်းမြစ်များ

Higiriiri 22:5

De ona de manga huha duru ihilufungokaholi de naduhunu, Abe ona de manga ngongaku o duduhunu yogari, De manga huha ko idogo ilamokua angamoi Ngona nahigihene, Nomalega manga ngongakuika de nahihupu manga huhaino.

Hihira 1:13

De ipahaino naga womatengo ai romanga o Otiniele abe una o Kalebe ai dodoto o Kenasa ai ngofaka. De o Otiniele una gea abe wakunu wahikala ma kota gea, ho igoungu o Kalebe ngoi ora modadi to una ngoi fekata.

Hihira 10:10

De mangale ma titi duru yokangelaka ho ipahaino de ona duru yomagaho-gahoko o duduhunu Ma Jou o Yaweika ato, “Ngomi naa duru miahowonoka. Abe ngomi miniporete Ngona la ka idadi mimahijou utuika, de gea mimahuba-huba o Baala ma popangaoika.”

Hihira 2:16

Ngaro Ma Jou o Yawe hokogea wangamo o Isiraele ma nyawaika masara ahao wahidailako manga hihira abe wahiakunu ona yomakoketemomoi abe ka idadi manga kokawaaha yahihupu manga musu ma kuahaino abe yatobaora de yatobadohiki.

Hihira 2:18

De nako adonokali Ma Jou o Yawe wahidailakokali manga hihira de duru wahiakunu la yolaku manga musuika. Abe o Isiraele ma nyawa manga hihira gea Ma Jou iwiniiki ka hiadono manga hihira gea manga wowango ma bahaika. De Ma Jou ai dora ma hiokoo itagi ai nyawaika hiadono ona abe wahiakunu yahihira ka idadi wapake la o Isiraele ma nyawa wahihupu manga musu manga giamino.

Hihira 3:15

De ahao ma moioli o Isiraele ma nyawa yohuhaholi ma titi o Moaba ma nyawa manga koano o Egono wahikangela. Ho ona duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengoli ai romanga o Ehudu la una wodadi manga hihira abe wahihupu manga kangelaino. O Ehudu una gea o Benyamini ma nyawa de ai baba o Gera de una o nauru abe wokubadi woto, o Ehudu gea. De naa adonoka ma oraha o Isiraele ma nyawa kiani iwihidoaka manga koano o Egonika manga pajaka ma tiwi de manga hidoaka ma hidogo o kiahonanga ma hali-hali. Ho manga hidoaka ihidiaioka de ahao o Ehudu iwiiriki la una wahihira-hira ona mata-mata gea abe yoiki o Isiraele ma nyawa manga hidoaka iwidotaka ma koanoika gea o Moaba ma tonakoka.

Hihira 3:8

De Ma Jou o Yawe ai ngamo duru ihauku o Isiraele ma nyawaika ka hiadono wafukunu o koano moiika ai romanga o Kusiana-Risataimi abe wahikoano o Arama ma nyawa abe yogoo-gogere o Mesopotamia ma tonakoka. Ho o taongo tufange ma dekana o Isiraele ma nyawa onangoo yogogere o koano gea ai kuahaka.

Hihira 4:3

De o Sisera wahipareta o goroba parangi o ratuhu hiwo. De o goroba parangi mata-mata gea yodiai o behino ho o Sisera de ai tentara duru de manga buturungu de yahikangela o Isiraele ma nyawa o taongo monaoko ma dekana. Hokogea yohuhaholi de ahao o Isiraele ma nyawa ihigali-gali yomagahoko Ma Jou o Yaweika la waduhunu.

Hihira 6:7

De Ma Jou o Yawe wagihene manga gogahoko ma gari ma titi o Midiana ma nyawa yahikangela hiadono duru yomagahoko o duduhunu.

1 Samuele 12:10

De o Samuele ai hohininga ma demo gea wohigila-gila wato, “De ipahaino de duru yokangelali de ona de manga huha ma gari yomagahokoli Ma Jou o Yaweika de yogari-gari yomangaku manga howono Unangika, ato, ‘Mia Jou, Ma Jou o Yawe, ngomi naa miahowono ma amokoka Ngonaika abe miniporetika de mimahuba-huba o Baala de o ngo Asitorete ma popangaoika. Masara ka de Ngona nomihihupu to ngomi mia kangelaino naa, abe mia musu imihikangela, de ngomi minihibehehongo ka Ngonaika dika mimahuba-huba.’