Hihira 3:14 - Ma Jou ai Demo-demo o Totobelohoka

¹⁴ De o taongo ngimoi de tufange ma dekana kiani o Isiraele ma nyawa ihingounu o Egono ai pareta onangika angamoi hokogea ma dekana wahikoano.

Hihira 3:14 ပူးပေါင်းရင်းမြစ်များ

Higiriiri 106:41

Masara ona iwiolukoka ho wahidoaka o nyawa utu manga giamika, Ho hiadono ona gea abe ko iwingakua Ma Jouika de duru yadohata ai nyawaika, Onangika gea Ma Jou wahidoaka la onangoli ai nyawa yahipareta.

Hihira 3:13

De hokonaa o Egono womahidiai ai ngekomo la o Isiraele ma nyawa wahikala. Ihira wahigaro o Amono ma nyawa de o Amaleke ma nyawa la ona mata-mata yomatoomuino yomakuduhunu yaparangi o Isiraele ma nyawaika. Ho o Egono wahihira o tentara manga ngoe gea de yaparangi de yahikala o Isiraele ma nyawa de yomale o Yeriko ma kota abe ma oraha naa ihiromangoli o Dokoto ma kota angamoi o dokoto ma ngoe iwango genangoka hiadono aturuuru ma romanga.

Hihira 3:15

De ahao ma moioli o Isiraele ma nyawa yohuhaholi ma titi o Moaba ma nyawa manga koano o Egono wahikangela. Ho ona duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengoli ai romanga o Ehudu la una wodadi manga hihira abe wahihupu manga kangelaino. O Ehudu una gea o Benyamini ma nyawa de ai baba o Gera de una o nauru abe wokubadi woto, o Ehudu gea. De naa adonoka ma oraha o Isiraele ma nyawa kiani iwihidoaka manga koano o Egonika manga pajaka ma tiwi de manga hidoaka ma hidogo o kiahonanga ma hali-hali. Ho manga hidoaka ihidiaioka de ahao o Ehudu iwiiriki la una wahihira-hira ona mata-mata gea abe yoiki o Isiraele ma nyawa manga hidoaka iwidotaka ma koanoika gea o Moaba ma tonakoka.