Hihira 3:13 - Ma Jou ai Demo-demo o Totobelohoka

¹³ De hokonaa o Egono womahidiai ai ngekomo la o Isiraele ma nyawa wahikala. Ihira wahigaro o Amono ma nyawa de o Amaleke ma nyawa la ona mata-mata yomatoomuino yomakuduhunu yaparangi o Isiraele ma nyawaika. Ho o Egono wahihira o tentara manga ngoe gea de yaparangi de yahikala o Isiraele ma nyawa de yomale o Yeriko ma kota abe ma oraha naa ihiromangoli o Dokoto ma kota angamoi o dokoto ma ngoe iwango genangoka hiadono aturuuru ma romanga.

Hihira 3:13 ပူးပေါင်းရင်းမြစ်များ

Higalioli 34:3

De daku wamakeoli o Negebe ma tonaka ma kakaahaka de ai himangoka naga o Yorodani ma dola abe o Yeriko ma kotaka ka hiadono dau o Soara ma kotauku. De ma oraha gea o Yeriko ihiromanga o Giwatu ma kota angamoi iwangoiye o giwatu ma ngoe genangoka.

Hihira 1:16

De ipahaino naga ma oraha abe o Yehuda ma nyawa yosobo o Yeriko ma kotaka la yoiki manga oara ma tonakika. De o Yeriko ma kota gea naga ma romanga moioli angamoi o nyawa utu yamake o biso ma ngoe iwangoiye genangoka ho yofetongo ato o biso ma kota. De ma oraha o Yehuda ma nyawa yosobo de o Keni ma nyawa yomakiniiki de de ona, abe o Keni ma nyawa gea o Musa ai toroa ai totoforauku. Ho ona mata-mata yomakokiniiki o Yehuda ma tonaka ma kakaahaika de ahao yomahisapuru de o nyawa genangoka ho yomanoa manga hidogoronaka. De manga gogere ma hungi gea o Negebe ma tonakoka abe o Arada ma kapongo ma honongaka.

Hihira 10:11

De Una wapaluhu onangika wato, “Sarakia, bote ngini naa ko niohiningakaua ma oraha tiniduhunu o nyawa manga ngoe manga giama homoi-homoiino? Abe ma dihiraino de ngaro o Mesiiri ma nyawa de abe o Amorioka de o Amono de o Filistina,

Hihira 10:12

de o Sidono de o Amaleke de o Midianoka, masara ona mata-mata naga ma oraha abe inihikangela nginika. De gea nia kangela ma gogiriaka de ngini nimagaho-gahoko o duduhunu Ngohino, de ahao Ngohi naa tinipaluhu de tinihihupu manga kuaha homoi-homoiino.

Hihira 10:9

De o Amono ma nyawa ona yomahihora o Yorodani ma akere ma honongaika la yomakalawanoo de o Yehuda de o Benyamini de o Efaraimi manga dutu-dutuika. Ho o Isiraele ma nyawa ma oraha gea de manga wowangoka duru yokangelaka.

Hihira 3:14

De o taongo ngimoi de tufange ma dekana kiani o Isiraele ma nyawa ihingounu o Egono ai pareta onangika angamoi hokogea ma dekana wahikoano.

Hihira 5:14

Abe naga o Efaraimi ma nyawa manga ngoe yoboaino, Ona manga loku-lokuoka yosobo yoboa o tonaka ma dolaino. De ona gea yahidoduruika o Benyamini ma nyawa, Abe ona yomahitatorika la yahihira-hira manga gogianongoru utuoli. De ngaro o Makiri ma nyawa manga hohihira de Sebulono manga hae-haeke masara onangoo yokokiboaino la homakokuduhunu.

Hihira 6:3

Abe ma oraha o Isiraele ma nyawa manga redi yodatomo de ahao naga o Midiana ma nyawa de o Amaleke ma nyawa yoboa yahikangela, de nagaoo o nyawa utu abe o wange ma hiwariha yoboa la ka idadi manga datomo ihirusaka.