Hihira 16:9 - Ma Jou ai Demo-demo o Totobelohoka

⁹ De naga o Filistina ma nau-nauru yamuruono naga abe kanganoinohi magogonika ami tau ma kamaroka moi. Ho ka de o Simsono mipakiti ibooto de ahao mopoaka mato, “Simsono, nomataiti nomomiki! Naga o Filistina ma nyawa iningino naa!” Hokogea mihitodokana de womomiki de o toimi ma deli gea itoaka hoka o lawe ma oraha adaene o uku ma dokara. Ho ona ko yamakeuahi o Simsono ai buturungu ma dogogono abe ihititi o kiaino.

Hihira 16:9 ပူးပေါင်းရင်းမြစ်များ

Hihira 15:14

De yoboa yotigi o Lehi ma kapongika de naga o Filistina ma nyawa genangoka de ka de iwimake o Simsono woboa de yomulaenge yomahagaaga de o lolaku ma hagaaga de unangika iwibuhuku yomapopaata. Masara duru ka itodokanino de o Simsono iwilufungu de Ma Jou o Yawe ai Womaha de duru wihiputurungu ho watoaka o rukiti ma hungi hinooto gea imaketero hoka ai papakiti gea o lawe dika ho iotaka o tonakuku ma rukiti gea.

Hihira 16:10

De ahao o ngo Delila gea mitemo unangika mato, “Adoo! Abeika nohihibodo ngohi! De gea ngona nohieluku angamoi ani hingahu ngohino ko igoungua.” De ahao de ami hininga ma dora mato, “Simsono, de naa togahoko ufa nohieluku ho duru togahoko la nohihingahu abe hokokia o nyawa ka idadi inipakiti hiadono ko idadiua nomaduhunu.” Hokogea o ngo Delila mibole ma goa-goa unangika.

Hihira 16:7

De o Simsono womipaluhu munangika wato, “Nako o nyawa ihihipakiti de o toimi ma deli ma hungi tumidi, de ena gea mata-mata abe duru ko itoolenguahi, de ahao to ngohi ahi buturungu idadioka hoka o nauru biaha manga buturungu.” Hokogea o Simsono ai hingahu o ngo Delilaika.

Hihira 16:8

De ai buturungu ma dogogono ma hingahu gea muna mahingahuoli o Filistina manga poparetaika de ona ahao imihidoaka munangika o toimi ma deli ma hungi ma gahumu tumidi abe ko yawoeruahi ho ko itoolenguahi. De ena gea mapake mihipakiti o Simsono ma oraha womaiduoka.