Hihira 16:6 - Ma Jou ai Demo-demo o Totobelohoka

⁶ Ho de ahao o ngo Delila motemo o Simsonika mato, “Marai ngohi duru toheranga to ngona ani buturungu kohaamoko hiadono ngohi duru toigo tohioriki o kiaino ani buturungu ihititi. De hokokia o nyawa kiani yodiai ngonaika hiadono ani buturungu ko ilakuokaua? Ho nako ka idadi, ngohi toigo tomagahoko la nohihingahu ani dogogono ma hingahu gea.”

Hihira 16:6 ပူးပေါင်းရင်းမြစ်များ

Sosawaro 7:21

De muna de ami higaro ma muti-mutiti hokogea hiadono mihirehene o goduuru gea ai ngekomino. Duru mososawaro de ami higaro la to una ai hininga adaene hiadono wosanangi wominiiki o howonika!

Sosawaro 6:26

Angamoi o ngofeka abe momatiwi-tiwi hokogea ka idadi monihihuha abe ika-ika ami hewa ka hiadono muna mamataka ani tiwi. De nako muna o nyawa ngoi fekata de nomaidu munangoka de ani wowango ahao to muna dika ami kuahaka hiadono o kia dika to muna ami demo ma ka naniiki.

Hihira 16:5

De o Filistina ma nyawa manga popareta ma haeke abe yokokurutiye ona yomakiniiki yoiki imitutumu o ngo Delilaika. De ona imihingahu ato, “Naga mia gogahoko ngonaika abe duru de ma behehongoka ho idadi to ngona ani utumu duru ilamoko. Ngona kiani o Simsono niribuutu nileha abe ai buturungu ihititi o kiaino hiadono duru ai buturungu kohaamoko. De nilehali hokokia la hiadono ai buturungu gea ka idadi ihihanga. De nako ahao ai buturungu ma dogogono ma hingahu wonihingahuoka de ngona kiani nomihingahuoli ngomino la ka idadi mihihihanga ai buturungu gea hiadono wiwitaoko de wiwipakiti de ko wapoaua womaduhunu. De nako hokogea ngona nomiduhunu ahao ngomi homoi-homoi minihihadia ngonaika o tiwi o se-senge ma haakaino o sana moi de o ratuhu moi. Ho duru ngona noutumu.” Hokogea o Filistina ma nyawa manga popareta ma haeke manga hiaturu ma demo o ngo Delilaika.

Hihira 16:7

De o Simsono womipaluhu munangika wato, “Nako o nyawa ihihipakiti de o toimi ma deli ma hungi tumidi, de ena gea mata-mata abe duru ko itoolenguahi, de ahao to ngohi ahi buturungu idadioka hoka o nauru biaha manga buturungu.” Hokogea o Simsono ai hingahu o ngo Delilaika.

Hihira 14:17

De muna hokogea de hiadono de ami koongo miribuutu o Simsonika o wange-wangeiye ka hiadono manga wange ma tumidoka de angamoi muna duru imihigali-gali miribuutu ho ma bahaika womihingahu ai budi-budi ma demo ma titi. De o wange ma tumidoka gea muna moiki ami gogianongoruika de mahitararono onangika ma titi.