Hihira 16:1 - Ma Jou ai Demo-demo o Totobelohoka

¹ De ma moiuku ma oraha o Simsono wahihira o Isiraele ma nyawa, una woiki dai o Gasa ma kotaoko abe o Filistina ma nyawa manga kota. De wowohama o Gasa ma goronaika gea de womimake momatengo abe momatobafuku-fukunu ami badanga de womaputuhu o futu gea womaidu munangoka.

Hihira 16:1 ပူးပေါင်းရင်းမြစ်များ

Dodadi 10:19

Ho ahao to ona manga tonaka utuohi ilamoko hiadono manga batingi dau o Sidonoka de ihikaiye o Gerariye hiadono o Gasaiye. De dai o gahioka manga tonaka ihikaiha hiadono o kota-kotaiha abe ma romanga o Sodomo, o Gomora, o Adima, de o Seboimi. De naga utu yogogere ma gurutikahi abe manga kota o Lasa.

Sosawaro 7:8

De ma goduuru gea o ngekomo ma marihapongino woboa de waniiki ma ngekomo abe o ngofeka momatengo ami tau naga genangoka. Naa muna gea abe ami biaha motobalingiri o nauru.

Hihira 1:18

De ma tonakoka gea nagali ma kota abe ihiromanga o Gasa de o Asekelono de o Ekono, de o Yehuda ma nyawa ona yataoko ma kota-kota enangoo de to ena ma tonaka homoi-homoi.

Hihira 14:1

De ma moiuku o Simsono wotagi o Timana ma kotaika de genangoka womimake o ngofeka momatengo abe duru mihisanangi. De muna o Filistina ma nyawa o Timana ma kotaka gea.

Hihira 16:2

De ona yogogere o Gasa ma kota ma goronaka yomahikokangahu abe o Simsono naga manga kota ma goronaka. Ho naga o nau-nauru yomatoomuino o futu-futuoka iwihidee ato manga musu o Simsono gea kiani iwihigilolitino la ka idadi iwitaoko. Abe ona ato, “Naa adonoka nanga oraha ngone ka idadi hitoma angamoi una naga nanga kota ma goronaka o futu naa. Ho ngade-ngade itawange de ngone higoana o kota ma ngoranoka la ka de wolio de ka idadi hitoma.” Ho ona yomahitigino o kota ma ngoranoka de genangoka iwigoana ka hiadono yahidetebiniye iwihidee ato ka de o Simsono wolio de ka idadi iwitoma.