Hihira 15:9 - Ma Jou ai Demo-demo o Totobelohoka

⁹ De ahao o Filistina ma nau-nauru ato kiani iwitaoko o Simsono ho ko manga ngoe yowohama o Yehuda ma tonakika la iwilingiri de yahikangela o Isiraele ma nyawa abe yogogere o Lehi ma kapongoka.

Hihira 15:9 ပူးပေါင်းရင်းမြစ်များ

Hihira 15:10

Ho o Yehuda ma nyawa genangoka yaleha onangika ato, “Adodoa ho ngini nimingohama de nimihikangela hokonaa?” De ona yapaluhu onangika ato, “Ngomi miboa ma titi moi dika de gea la o Simsono wiwitaoko la ka idadi ngomi midiai unangika imaketero hoka una wodiai ngomino.” Hokogea yomahingahu o Yehuda ma nyawaika.

Hihira 15:14

De yoboa yotigi o Lehi ma kapongika de naga o Filistina ma nyawa genangoka de ka de iwimake o Simsono woboa de yomulaenge yomahagaaga de o lolaku ma hagaaga de unangika iwibuhuku yomapopaata. Masara duru ka itodokanino de o Simsono iwilufungu de Ma Jou o Yawe ai Womaha de duru wihiputurungu ho watoaka o rukiti ma hungi hinooto gea imaketero hoka ai papakiti gea o lawe dika ho iotaka o tonakuku ma rukiti gea.

Hihira 15:17

Hokogea o Simsono ai kabaata ma demo! De ahao o keledai ma okoko ma kobongo gea waumo o lokuika. De ma ngi gea ihiromanga o Ramata-Lehi abe ma titi, o keledai ma okoko ma loku.

Hihira 15:19

Ho Ma Jou o Yawe o akere wohibubungiye o tonakino abe naga ma ngi moi genangoka o Lehioka abe ma tonaka iluhunguku. De o ngi ma goronaka gea Ma Jou wapelaka de itodokanino naga o akere ibubungiye. De o Simsono wokere o akerino gea ka hiadono ai buturungu de ai magawe ilio. Ho o akere ibubungiye gea ihiromanga, “Una womagaho-gahoko to una ai akere ibubungiye.” De ma oraha o buku nenanga totulihi o akere ibubungiye gea nagahi o Lehioka.

Hihira 15:8

Hokogea wotemo ibooto de o Simsono duru de ai dohata ma buturungu womulaenge watoma o Filistina ma nyawa hiadono duru ko manga ngoe wahohonenge. De ahao woara o lokuhakaru moiika o Etamoka de genangoka womagogono o aruku ma goronaka.