de utu ngaro o uku ma amokoka masara ko yaukua, de utu ngaro o humaranga o dopo-dopoino ma ngoe yaohana masara manga musu ko yakoronaua ho ko yohonengua ma titi o humarangino. De utuoli naga abe ma titi manga ngongakuino ho ngaro manga buturungu iowahoka masara Ma Jou duru wahiakunu onangika hiadono manga buturungu naga ma amoko, de utu o parangi ma goronaka de Ma Jou wahiputurungu onangika hiadono ona yakunu yahikala manga musu o homoa ma nyawaika hiadono manga musu gea yoaroka.
Hihira 15:8 - Ma Jou ai Demo-demo o Totobelohoka8 Hokogea wotemo ibooto de o Simsono duru de ai dohata ma buturungu womulaenge watoma o Filistina ma nyawa hiadono duru ko manga ngoe wahohonenge. De ahao woara o lokuhakaru moiika o Etamoka de genangoka womagogono o aruku ma goronaka. အခန်းကိုကြည့်ပါ။ |
Hihira 15:8
9 ပူးပေါင်းရင်းမြစ်များ
Ho o Yehuda ma nyawa genangoka yaleha onangika ato, “Adodoa ho ngini nimingohama de nimihikangela hokonaa?” De ona yapaluhu onangika ato, “Ngomi miboa ma titi moi dika de gea la o Simsono wiwitaoko la ka idadi ngomi midiai unangika imaketero hoka una wodiai ngomino.” Hokogea yomahingahu o Yehuda ma nyawaika.
De ahao o Yehuda ma nyawa gea yomaputuhu kiani yaduhunu o Filistina ma nyawa done utuohi yahikangela. Ho naga manga nau-nauru ngade-ngade yasana hange yoiki o Etama ma lokuhakaruika gea angamoi ona iwihiorikoka o Simsono womatobagogono genangoka. De iwitemo o Simsonika, ato, “Abeika ngona, duru nomihikangela ngomi ani gogianongoru. Ngona nohioriki ngone hogogere o Filistina ma nyawa manga kuahaka! Done sarakia hokogea nodiai de ko nofikirikaua abe ona kiani ahao yomahibalaha ngoneino?” Masara o Simsono womademo wato, “Ngohi todiai dika onangika duru imaketero hoka ona yodiai ngohino.”
ကြော်ငြာတွေ