Hihira 15:7 - Ma Jou ai Demo-demo o Totobelohoka

⁷ Hokogea yodiai itorou de o Simsono duru wohuha de wahingahu onangika wato, “Ngini naa nidiai duru itorou ngohi fekata ami tauika! Ho naa ahi hibalaha ngini o Filistina ma nyawaika itagioli ka hiadono ahi hininga iriidi.”

Hihira 15:7 ပူးပေါင်းရင်းမြစ်များ

Roma 12:19

De ahi gogianongoru abe duru tinidora nginika, ngaro o nyawa inihikangela nginika masara ufa nimahibalaha onangika, ma koaho niwihidoaka Ma Jouika la Una dika ai hohowono o ngamoino itagi onangika. Angamoi ma dodihiraino de naga ihitulihukuoka Ma Jou ai demo abe Una wotemo wato, “Nako o hibalaha, gea to Ngohi naa ahi kuahaka. De Ngohi naa ahao tahibalaha o nyawaika ma titi to ona manga datoro ma dorou.” Hokogea to ngone nanga Baluhu idodutu wotemo.

Hihira 14:19

De Ma Jou o Yawe ai Womaha wihilufungu de ai buturungu de ka wosobo o Simsono. Una woiki o Asekelono ma kotaika de genangoka watoma o Filistina ma nau-nauru yamoruange de manga pakeanga wakokihuputoka de wogila-gila wolio. De manga pakeanga gea enangoo o rame-rame ma baju ma rorahai de ena wahikokodoku o nau-naurika gea abe yotohiki ai budi-budi ma demo ma babaluhu. Ma ngaro hokogea wahidoakoka masara ai ngamo duru ka ihaukohi abe ihitii-titi mata-mata gea abe idadioka ho ka wolio dika ai baba de ngoi memeika.

Hihira 14:4

Hokogea o Simsono ai hininga masara ai baba de ngoi meme yohuha angamoi ona ko ihiorikuahi abe ma titi o higaro nenanga igoungu imadadi Ma Jou o Yaweoka de aino. De hokogea Ma Jou o Yawe ai hininga la naga ma ngekomo abe ka idadi wapoha o Filistina ma nyawa angamoi ma oraha gea ona yapareta o Isiraele ma nyawa mata-mataika de ma dubuho.

Hihira 15:6

De o Filistina ma nyawa duru de manga huhaka yomakokeleha ato, “O bobinaaha ma uku nenanga onagona yodiai?” De naga o nyawa yahingahu ato, “Gea o Simsono! Una wodiai angamoi ai toroa, o Timana ma nyawa gea, una o Simsono ngoi fekata womihigogilakokali. Ami baba gea womihidoaka unangikali abe duru widodiawo o Simsonika ai gogilaka ma rame-rameoka.” Hokogea o Simsono ai hibalaha ma ade-ade itagi. Ho o Filistina ma nyawa yaika de o Simsono ngoi fekata de ami baba yale de yahohowono de o uku abe yatufuku hiadono yohonenge.

Hihira 15:8

Hokogea wotemo ibooto de o Simsono duru de ai dohata ma buturungu womulaenge watoma o Filistina ma nyawa hiadono duru ko manga ngoe wahohonenge. De ahao woara o lokuhakaru moiika o Etamoka de genangoka womagogono o aruku ma goronaka.