Hihira 13:6 - Ma Jou ai Demo-demo o Totobelohoka

⁶ De o malaekata gea wosoboka de ahao o Manoa ngoi fekata mitutumu ami rokata de mihingahu unangika, mato, “Manoa! Kangano naga womatengo Ma Jouoka de waino ngohino de ai rupa marai hoka o malaekata angamoi ngohi de ahi hawana ma heranga timake. De ngohi ko tilehaua una o kiaino ma nyawa de una gea ko womahingahua abe ai romanga onaguna.

Hihira 13:6 ပူးပေါင်းရင်းမြစ်များ

Dodadi 18:2

De o Abarahaama womaboaiye de iwitodokana abe naga ko yokurutikaua Ma Jou o Yawe de o malaekata yahinooto masara manga rupa duru hoka o nyawa o nauru yahange yomaokoino genangoka. Ka de yahange gea wamake de o Abarahaama ai ngoranoka wosoboka la womataiti wabuhuku. De gea wabuhuku de ai horomati ho manga himangoka de womaponuku hiadono ai pea itiki ma tonakuku.

Dodadi 32:29

Hokogea wotemo ibooto de ahao o Yakuboli wotemo wato, “De ngohi duru togahoko la ngonaoo ani romanga nohihingahu.” De una gea wipaluhu wato, “O kia ma titi ho hiadono ahi romanga nohileha?” Masara ka de hokogea wotemo de ahao ma owa wihibehehongo o Yakubika.

1 Kokoano 17:18

De muna duru mohuha ho mileha o Eliaika de ami huha ma demo, mato, “Abeika ngona naa Ma Jou ai uru ma dodofanga ho done hokonaa abe ngona noboaino la nohihidumutu abe ngohi ahi howono de hiadono nato ahi ngofaka naa nihohonenge, eko sarakia?” Hokogea ngoi meme motemo.

1 Kokoano 17:24

Hokogea wotemo de muna mihingahu o Eliaika, mato, “Naa duru tonihioriki abe ngona igoungu Ma Jou ai nyawa abe Una wonipake. De tohioriki ani hingahu duru Ma Jou o Yaweoka de aino ho duru igou-goungu ani demo.” Hokogea Ma Jou wihitaana munangika abe o Elia gea Ma Jou ai uru ma dodofanga.

2 Kokoano 4:16

Ho muna momaokoino genangoka de o Elisa womihingahu, wato, “O taongo moiohi abe ngade-ngade adonokali ma tanggala naa de ngona nitotirino ani ngofaka o nauru.” Hokogea womihingahu de muna duru imitodokana de mopaluhu unangika, mato, “O ahi baluhu ufa! Ngona o nauru abe duru nileleani Ma Jou ho ufa nohihihuha de o ngeluku hokogea.”

2 Kokoano 4:9

De ipaha muna ami hininga mihingahu ami rokatika, mato, “Ngohi tato una gea abe ma moi ma moi womidulu marai una o nauru abe ai wowango womadingakoka Ma Jouika.

Huhupu 3:2

De genangoka Ma Jou o Yawe ai malaekata womahimatoko o Musaika ma rupa hoka o uku itoka-tokara o gota moi ma dodipokouku ma goronaka. De o Musa iwitodokana hiadono wodamaanoka genangika de duru woheranga angamoi ngaro o gota gea itoka-tokara hoka youkuika masara ko youkua.

Huhupu 3:6

De Ngohi naa Ma Jou abe ani baba womahijou Ngohino. De to ngona ani tofora o Abarahaama, de o Isaka, de o Yakubu, onangoo yomatobahuba-huba Ngohino.” Ka de o Musa hokogea woihene Ma Jou wotemo unangika de ka womatatoko ai himanga angamoi wimodongo womalega Ma Jouika.

Lukasa 1:19

De o malaekata gea wopaluhu o Sakariaika wato, “Ngohi naa o Gabiriele abe tonitemo ngonaika naa, de ka ihikaika ngohi naga Ma Jou ai datekoka tomahidiaioka todiai o kia dika woigo tileleani. De gea una wohihidingoto ngonaino la tonihingahu o abari ma rorahai naa ho kiani ngona nohingaku.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Hidingoto 6:15

De ma oraha gea ona mata-mata manga hihira ma doomuoka ona iwikokidamaana o Setefanusika angamoi to una ai himanga idadi duru itararonoka ho imaketero dika abe hoka o malaekatoli ma himanga ma dararono.

Higalioli 33:1

Masara ko wopahauahi de Ma Jou ai uru ma dodofanga o Musa wahiowa o Isiraele ma nyawaika. De hokonaa to una ai hiowa ma demo onangika, wato,

1 Timotiusu 6:11

Masara ngona, o Timotiusu, ngona nitobaleleani Ma Jouika. Gea ho kiani ma dorou mata-mataika abe ahao kangano tafetongo ahi huratoka naa nodokaowara done nahowono Unangika. Ma koaho ma rorahai dika nanii-niiki. Abe Ma Jou ai totiai de ai hininga kiani nomahinoauku, de ani ngongaku de ani dora o nyawaika, de ani dongohono, de ani hininga ibole-bole o nyawaika, gea mata-mata kiani naniiki la hiadono gea mata-mata naga ani wowangoka.

Himatoko 1:17

De ngohi ka de timake de tomamotumukuoka to Una ai louoka de gea hoka ngohi tohonengoka. Masara gea Una wohituku de ai giama ma niraka ngohiuku de wotemo wato, “Ufa nohimodongo! Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha.

Hihira 13:10

Ho muna duru momapopaata ami rokatika de mihingahu mato, “Manoa, una woboakali! Una gea abe naa ma duruika wohitutumu ngohi, una naga o redioka womahimatokoli ngohino, abeika higilio.” Hokogea mihigaro ami rokatika.

Hihira 13:22

De o Manoa wopoaka de ai hawana wato, “Ngone bootino dika de hohonengoka! Angamoi hokogea ma hohowono o nyawaika nako ona iwimake Ma Jou.”

Hihira 13:3

De ahao naga Ma Jou o Yawe ai malaekata womahimatoko munangika de womihingahu wato, “Ngona igoungu ma dihirainohi de ko idadiua nodami ho namakeuahi ani ngofaka. Masara ko itedekanokaua de ngona ahao idadi de ani badangoka de ani ngofaka gea o nauru.

Hihira 13:7

Masara una wohihingahu ngohino wato, ‘Ngona ahao idadi de ani badangoka de ani ngofaka gea o nauru. De ka de womaboa hiadono wohonenge de ani ngofaka ai wowango Ma Jou womadingakoka Unangino, ho ko idadiua o angguru ma gohaka ngona naokere eko o ngokere utu abe de ena gea ka idadi inihidaluku. De ngona ko idadiua naolomo o inomo abe Ma Jou ai Pareta ato ko idadiua o Isiraele ma nyawa yaolomo.’ Hokogea una mata-mata wohihibohono angamoi wato ahi ngofaka una o Nasiri ma nyawa, ho Ma Jouoka ai wowango igogere ka hiadono ma bahaika.” Hokogea muna mihingahu ami rokatika.

Hihira 13:8

De o Manoa ngoi fekata ami hingahu gea woihene de ahao una womaniata Ma Jou o Yaweiye, wato, “Ma Jou o Yawe, ngohi duru tomagahoko la una gea abe nihidingoto ngohi fekatika ahao nihigunoa la woboali ngomino la ka idadi womidotoko abe hokokia wiwipaliara mia ngofaka gea abe ahao womaboa.” Hokogea o Manoa ai gogahoko Ma Jouika.

Hihira 6:11

De ahao Ma Jou o Yawe ai malaekata naa woboa o Ofara ma kapongino abe o Yoasa ai redi itigioka de naga to una ai gota o tarabatini iwango imatengoka genangoka. O Yoasa de ai ngofaka o Gideono yomahidutu o Abiesere ai doomuika. De naa Ma Jou o Yawe ai malaekata woboa manga gotaino gea de wogogeruku o tarabatini gea ma timiuku. De o Gideono kanganoinohi wokarajaanga o gota ma datekoka gea abe ai gandumu abe wautukinoka ho naa warero. De ai rorero ma ngi gea wapake dika manga angguru ma ngengedere ma ngi ma goronaka la ufa o Midiana ma nyawa yamake ai gandumu ma hofoko.

1 Samuele 2:27

Ka de uku de naga womatengo Ma Jou o Yawe ai uru ma dodofanga woboa witutumu o Eli de Ma Jou ai hingahu wadofanga unangika wato, “Eli, ngona nohioriki abe ma dihira Ngohi, Ma Jou o Yawe tomahimatoko to ngona ani totoforaika ma oraha o Isiraele ma nyawa mata-mata yodadioka o Mesiiri ma koano ai huhuloko o Mesiiri ma tonakoka.

1 Samuele 9:6

Masara ai duduhunu gea wopaluhu wato, “Ahao naa ipuda ahi hiningaka abe tonganono naga womatengo wogogere nenangoka duru witobaleleani Ma Jou. De o nyawa mata-mata duru manga horomati ilamoko unangika angamoi ato bari mata-mata wotemo ma gou-goungu dika hiadono wato o kia dika ahao idadi, de igoungu, ahao idadi. Abeika una hilingiri. De marai una ka idadi wonahingahu o kiaika ma ngekomo la ka idadi nanga keledai hamake.” Hokogea ai dodiawo wihigaro o Saulika.