Hihira 11:4 - Ma Jou ai Demo-demo o Totobelohoka

⁴ De ipaha naga o Amono ma nyawa yaparangi o Isiraele ma nyawaika de hiadono duru yahikangela ona abe yogogere o Gileadoka.

Hihira 11:4 ပူးပေါင်းရင်းမြစ်များ

Hihira 10:17

De ma oraha gea o Amono ma nyawa manga tentara yomatoomuino de yomahidiai la yomaketeparangi de o Isiraele ma nyawa. Ho o Amono ma nyawa manga doomu ma ngi naga o Gileada ma tonakoka, de o Isiraele ma nyawa onangoo yomatoomuino o Gileada ma tonakoka, abe manga doomu ma ngi abe o Misapa ma kapongoka.

Hihira 10:18

De ahao o Isiraele ma nyawa manga hihira abe o Gileadino yoboa, ona yomakeleha ato, “Ho naa onaguna yotomoroini la wonahihira ma oraha hoaguru de halawana o Amono ma nyawaika? Abe onaguna dika inahihira, ahao nanga kangela naa ipahaikahi de una gea higoraka la wahipareta o Gileada ma nyawa mata-mataika!” Hokogea manga higaro ma demo.

Hihira 10:9

De o Amono ma nyawa ona yomahihora o Yorodani ma akere ma honongaika la yomakalawanoo de o Yehuda de o Benyamini de o Efaraimi manga dutu-dutuika. Ho o Isiraele ma nyawa ma oraha gea de manga wowangoka duru yokangelaka.

Hihira 11:5

De ona abe yahibaluhu o Isiraele ma nyawa o Gileada ma tonakoka ona yoiki o Tobo ma tonakika de iwitutumu o Yefata de yogahoko la una woboa de waduhunu yaparangi manga musu o Amono ma nyawa gea.

1 Samuele 11:1

De ngade-ngade o mede moi ipaha de naga o Amono ma nyawa manga koano o Nahasa woboa o Isiraele manga kota o Yabesino la waparangi onangika. O Yabese ma kota naga o Gileada ma tonakoka. De o Amono ma koano woboa ka ma moi de ai tentara de o Yabese ma kota gea yahigororomino la yaparangi. De o Yabese ma nyawa duru yamodongo onangika de manga dimo-dimono yoiki manga musu manga koanoika de duru yomagahoko ato, “Ngaro ufa nomiparangi ngomino. Abeika o hikadame ma behehongo hodiai de ngomi o Yabesoka naa ka idadi nomihikokidadi to ngona ani huhuloko dika de ngomi misanangi dika minileleani.” Hokogea manga hawana ma demo o Amono ma koanoika.