Hihira 11:2 - Ma Jou ai Demo-demo o Totobelohoka

² Masara nagali o Gileada ngoi fekata ma gou-goungu, de to ona manga ngofa-ngofaka o nauru yamuruono naga. De ipahaino ma oraha ona yobaluhu de iwidohata o Yefatika de hiadono iwihihupu manga tauino. Ona iwitemo unangika ato, “Ngona ko mia ria-dodotua angamoi ngoni meme o homoaino ma nyawa abe ami badanga momafuku-fukunu ho ngona duru ko namakeua nanga baba ai tonaka ma hidoku ma oraha wohonenge. Ngomi naa minioluku ho ani oara ko iwa nenangoka. Ngona kiani nomatingakoka de ufa nolio nenangino.” Hokogea ai ria-dodoto manga demo unangika.

Hihira 11:2 ပူးပေါင်းရင်းမြစ်များ

Dodadi 12:10

De gea yogogere o Negebe ma tonakoka, ma, ipaha naga o hiwara ma dekanino hiadono o hafini idadi o Negebe ma tonakoka. Ho o Abaraama womaputuhu wato yoiki doka o Mesiiri ma tonakika la ka idadi yogogere jai-jai genangoka angamoi o hafini duru kohagiria.

Dodadi 21:10

De o ngo Sara mitemo ami rokatika mato, “Kiani muna o gilaongo gea de ami ngofaka nahuloko la yoiki yohupuoka ngoneoka naa, angamoi duru toluku unangoo wamake ani oara ma oraha nohonenge. To ngona ani oara mata-mata gea ahao kiani to ngone nanga ngofaka o Isaka dika wamake.” Hokogea o ngo Sara ami hininga.

Sosawaro 2:16

De ahi ngofaka ahi higaro ma demo o sosawaroka de aino ahao iniduhunu la ka idadi nomiporete o ngofeka matobahowono de o nauru yowoe-woeika. Muna gea mosabaranga molingiri o nauru abe mososawaro matobahigaro o naurika la yomakitigi. Masara ngona nadokaowara o ngofeka hokogea mangale naga o hitiari ma demo ani sosawaroino imanoa ani hiningaka. Ho ami higaro ngonaika, abe ami demo ma ilingi ma mutiti, gea ufa nohigihene enangika.

Sosawaro 5:20

De ahi ngofa-ngofaka, naa tinilehali, “De o kia nia utumu nako hiadono ngini nimalingiri o hijai-jai ma sosanangi de o ngofeka utuika? De done sarakia nohigunoa ani hafini inipareta itagi o ngofeka utuika ka hiadono nomikooino ami badangika abe ami datoro duru itorou?”

Sosawaro 5:3

De ahi hingahu naa ma titi o ngo-ngofekaika abe to ona manga datoro o naurika itorou. To ona manga higaro ma demo imaketero hoka o gula-gula iwihidoaka o naurika ho de ma mutitoka manga demo hiadono to una ai hininga adaene ami demoika. De manga ilingi inouhu hiadono iwitauroka ai hininga ho wominiikoka!

Galatia 4:30

Ho gea koaho hokokia ngone hodiai? Abeika homalega Ma Jou ai Demo-demoika la hokokia inahidumutu. Angamoi naga ai demo moi abe ma dodihirainohi de ihitulihukuoka itemo ato, “Kiani nakiniikoka ani tauino abe muna gea ma gilaongino de ami ngofaka. Angamoi duru ko idadiua ma gilaongo ami ngofaka gea wamake ai babaino ai oara. De gea ma oara kiani ma gahumu igila-gila unanguku abe ngoi meme ko o gilaonginoua ma nyawa.” Hokogea itemo Ma Jou ai Demo-demoka.

Hihira 11:1

De ahao naga o Isiraele ma nyawa womatengo ai romanga o Yefata abe una duru wotobamoroini o Isiraele ma nyawa manga musuika hiadono duru wososawaro woparangi onangika. O Yefata o Gileada ma nyawa de ai baba unangoo ai romanga o Gileada abe yomahitoomuika de manga tonaka. Masara o Yefata ngoi meme o homoaino ma nyawa abe ai baba o Gileada womihewa la womaidu de muna ho hiadono muna mamake ami ngofaka o Yefata.

Hihira 11:3

Ho ona ai baba ai tauoka o Yefata wanoaika de woara o Isiraele ma tonaka ma batingika de wogila-gila wowohama o tonaka ma romanga o Tobo de genangoka wogogere o Yefata. De ika-ika naga o nau-nauru iwitobadodiawo manga ngoe abe ona mata-mata yatobalawana o nyawaika de hiadono o nyawa utu ko yadafongua la yogogere manga doomuoka. Ho naa ona gea yodadi o Yefata ai dodiawo.