Ka de o Kedoro-Lomere de ai tentara o Hori ma nyawa gea yahikokikala ibooto de ahao manga poretino yolio abe manga ngekomo ma marihapongoka aino de ahao yagila-gila o koano yamotoaika yoiki. Masara manga dodagioka naga o nyawa utuohi yaparangi. Abe ka de yomahiadono o Ene-Misipa ma tonakika de yahibinaaha o Amaleke ma nyawa abe yogogere genangoka. De ahao yogila-gila de o Amori ma nyawaoo abe yogogere o Hasesono-Tamara ma tonakoka onangoli yahibinaaha. Ka ihikaika o nyawa yaparangi ho o Kedoro-Lomere de ai dodiawo o koano yahange gea, ona manga taongo moi manga dekanino yotagi-tagi yopoparangi moduku. De ona ika-ika ahao yomahiadonika o Sidimi ma dolaka abe genangoka o Kananioka ma koano yamotoa ato o Kedoro-Lomere iwibuhukino la iwiparangi.
Hihira 11:16 - Ma Jou ai Demo-demo o Totobelohoka16 Hokonaa tonihitararono de ma ade-ade ma gou-goungu abe ma oraha o Isiraele ma nyawa yohupu o Mesiiri ma tonakino. Ona ihira yoiki o tonaka ma kakaahaka abe imakadateke o Bongo-bongo ma gahi de ahao yogila-gila ka hiadono o Kadese ma tonakika. အခန်းကိုကြည့်ပါ။ |
Hihira 11:16
9 ပူးပေါင်းရင်းမြစ်များ
De yoboa de manga dumutu o Musa de o Harunika de o Isiraele ma nyawa manga doomu ma amokika abe naga o Kadesoka abe o Parana ma tonaka ma kakaahaka. Ho manga gogianongoru yokokiboa yomatoomuino la ka idadi yoihene manga hidimono yangimoi de yahinooto gea manga ade-ade. De manga hidimono gea yoade-ade de manga ilingi ma amokiye manga gogianongoruika la manga doomu ma amokika ka idadi yoihene. De manga dodagi ma hasili yahimatoko onangika abe o tonaka gea ma datomo ma hasili irahai abe yaoino.
Masara ma oraha naa ko ma orahuahi ona yowohama ho ngini ko idadiua nigila-gila o tonakika gea abe genangoka o Kanani ma nyawa de o Amaleke ma nyawa yogogere. Ho itebini de ahao ngini mata-mata kiani nimadogilioro de nilio o tonaka ma kakaahaika nia poretoka de niloiki imaketero hoka nia dumutu o Bongo-bongo ma gahioko.” Hokogea Ma Jou wihingahu o Musaika.
De gea manga taongo ma hungi, abe duru o mede ihira, de ahao o Isiraele ma nyawa manga doomu ma amokika yoboali o Sini ma tonaka ma kakaahaino de ma tonaka ma kakaahaka gea naga ma ngi moi ma romanga o Kadese. De gea yomahiadono o Kadese ma ngioka de manga tau o ngoerino ihigokoli ho genangokali yomanoa. De ma oraha ka yogoo-gogerohi genangoka de o ngo Miriama, abe o Musa ngoi firanga, muna mohonenge de imilungunu o Kadese ma ngioka gea.