Hihira 10:9 - Ma Jou ai Demo-demo o Totobelohoka

⁹ De o Amono ma nyawa ona yomahihora o Yorodani ma akere ma honongaika la yomakalawanoo de o Yehuda de o Benyamini de o Efaraimi manga dutu-dutuika. Ho o Isiraele ma nyawa ma oraha gea de manga wowangoka duru yokangelaka.

Hihira 10:9 ပူးပေါင်းရင်းမြစ်များ

Hihira 10:10

De mangale ma titi duru yokangelaka ho ipahaino de ona duru yomagaho-gahoko o duduhunu Ma Jou o Yaweika ato, “Ngomi naa duru miahowonoka. Abe ngomi miniporete Ngona la ka idadi mimahijou utuika, de gea mimahuba-huba o Baala ma popangaoika.”

Hihira 10:8

De ma oraha gea naga o Isiraele ma nyawa abe yogogere o Gileada ma tonakoka, de gea doka o Yorodani ma akere ma honongaika o Amori ma nyawa manga tonakoka. Ho gea de ahao o Filistina de o Amono ma nyawa ona duru yahikangela o Isiraele ma nyawaika gea, de ka hokogea dika igila-gila o taongo ngimoi de tufange ma dekanino.

Hihira 11:4

De ipaha naga o Amono ma nyawa yaparangi o Isiraele ma nyawaika de hiadono duru yahikangela ona abe yogogere o Gileadoka.

Hihira 2:15

Abe ka de o Isiraele ma nyawa yomatoomuino de yoiki yaparangi manga musuika de ko yolakuokaua angamoi naa Ma Jou o Yawe ko waduhunokaua ho naa imakawalimi idadi angamoi Una ma hirete waparangi onangika. De duru idadi imaketero hoka ma dihira wahibehehongo onangika abe Una wahingahuokau wato nako iwiporete ahao Una wohiaturu la yokala dika. Ho naa o Isiraele ma nyawa duru yohuhaholi angamoi manga kangela ma ngoe yadaene manga musuino.

Hihira 6:2

De o Midiana ma nyawa duru de manga buturungu de manga dohata yahikangela o Isiraele ma nyawa. De angamoi o Midiana ma nyawa duru ka ihikaika yahikangela hiadono o Isiraele ma nyawa yomadiai manga gogogono ma ngi o loku-lokuoka de yapake o bilatu de o aruku ma ngoe. De manga gogogono ma ngi gea utu yakurunga de ma dadaduhu la ka idadi yoara genangika ma oraha o Midiana ma nyawa yoboa.

1 Samuele 13:6

Ho ka de o Isiraele manga tentara yamake manga musu yowoeholi hokogea de duru manga domoroini ko iwaka hiadono ona homoi-homoiika yomalingiri manga gogogono ma ngi. De o tentara utu yomamake manga gogogono ma ngi o arukoka, utu o hakaru o bilatuoka, de utu o hakaru ma ago-agomo ma hidogoronaka. De manga tentara utu yowohama o lungu-lungunu ma ngiika, de utu yomagogono dau o humu-humu ma baitoka.

1 Samuele 28:15

De gea o Samuele wotemo o Saulika wato, “Ho naa done ma titi o kia ngona nohiruwae de nohiahoko la toboaino?” De o Saulu wipaluhu wato, “Ngohi naa duru tokangelaka ho ahi hininga duru ihuha, angamoi o Filistina ma nyawa yoboaino la imiparangi ngomino. De ahao ngohi tileha Ma Jouika la ka idadi tohioriki to Una ai hininga, masara Una gea duru ko wohipaluhua. Abe ko wohidoakua o himatoko o nyawaika la genangino de ngohi ka idadi tohioriki ai hininga. De ngaro ma oraha Ma Jou ai uru ma dodofanga ahi leleha gea iwidofanga Unangika masara ko wopaluhua. Ho gea ma titi hiadono naa toniahokino, la ka idadi ngona nohihingahu koaho hokokia todiai.”