De hokonaa Ngohi todiai angamoi una wohiporetikaka de womahuba-huba o Sidono ma nyawa manga jouika o Asitoretika, de o Moaba ma nyawa manga jou o Kamoso, de o Amono ma nyawa manga jou o Moloko. De gea o Saloomo womahitaana ko waniikokaua to Ngohi ahi mau, de wodiai abe ko itiaiua to Ngohi ahi himangoka de ko wohingounokaua ahi behehongika de ahi paretaika hoka to una ai baba o Dautu abe una waniiki itiai ahi behehongo de ahi paretaika.’”
Hihira 10:6 - Ma Jou ai Demo-demo o Totobelohoka6 De ipahaino de o Isiraele ma nyawa ma moioli yodiai itorou Ma Jou o Yawe ai himangoka. Abe ona yomahuba-huba o jou-jou ma homoaika. Ho gea naga o homoa ma nyawa o Siria de o Sidono de o Moaba de o Amono de o Filistina, de to ona mata-mata manga jou-jouika o Isiraele ma nyawa yomahuba-huba enangika. De nagali o Baala de o ngo Asitorete abe enangikaoo yomahuba-huba. Ho ona duru iwiporete Ma Jou o Yaweika de ko yomahubakaua Unangika. အခန်းကိုကြည့်ပါ။ |
Hihira 10:6
32 ပူးပေါင်းရင်းမြစ်များ
De hongoli o Saloomo wahuloko ai nyawa la yodiai o huhuba ma ngi hinooto o lokuoka abe imanoa o Yerusaleeme ma datekoka o wange ma hiwaroka. De gea naga ma huhuba ma ngi moi yodiai la genangoka ka idadi o nyawa yomahuba o Moaba manga jou ma homoaika ma romanga o Kamoso. De abe ma ngi moioli gea yodiai la ka idadi o nyawa yomahuba o Amono manga jou ma homoa o Molokika, abe o Moloko ena gea duru itotorou.
De ai wowango ma datoro imakiniiki hoka o Yerobeama ai datoro ma modorou. De una woilaka de momatengo ami romanga o ngo Isebele abe munangoo duru o nyawa ma dorou ho ka de muna womile de to una ai dorou ka womahidogo dika. Muna gea o Sidono ma nyawa abe ami baba o Etabaala de una wahikoano o Sidono ma nyawa. De o ngo Isebele momahuba o pangao o Baalika ho yoilaka ibooto de ko itedekanua de ami rokata o Ahaba unangoo womulaenge womahuba-huba o Baalika.
Abe ona yalawana Ma Jou o Yawe ai behehongika ka hiadono manga pangao yodiai abe ma rupa o hapi ma ngofaka hinooto. De ona o pahitaaka yapake yodiai abe o hapi ma rupa o gurasino eko ma kiahonangino abe ma dogowini hoka o behi. De ihigoko o liate abe genangoka yomahuba-huba manga pangao o ngo Asitoretika, de yomahuba-huba o pangao o Baalika. De onangoo yomahuba-huba o muru-murumika abe ena gea daku o dihangoka de yangaku o muru-murumika gea naga de ma kuahaka manga wowangoka.
De o popangao ma huhuba ma ngi utuohi naga o Yerusaleeme ma kota ma poretoka abe idateke o wange ma hiwariha. Genangoka naga o loku moi ma romanga o Hibinaaha ma loku abe daku ma honongaiye naga o popangao ma huhuba ma ngi-ngi abe ma dihira o Saloomo wodiai genangoka. Abe naga genangoka o Sidono ma nyawa manga dula-dulaka ma pangao o ngo Asitorete, de o Moaba ma nyawa manga dula-dulaka ma pangao o Kamoso, de naga o Amono ma nyawa manga pangao o Moloko abe kiani o nyawa duru yaemono enangika. De o popangao ma huhuba ma ngi mata-mata gea o Yosia wohikokibinaahaka.
De ahao Ma Jou o Yawe wohigila-gila ai demo ai nyawaika, wato, “Masara naa duru ma dekanoka abe ngini nioluku nihihingounu Ngohino de niaumo nia papakiti abe ma dihiraino de homahidapakiti moi ngini de Ngohi. Abe ngini nimahingahu niato, ‘Ngomi mioluku mimahuba-huba Ngonaika!’ De gea igoungu abe ko nimahubakaua Ngohino, masara nako o jou de o pangao utuika de ngini duru nisanangi nimahuba-huba de nimahidoaka enangika! Abe to ena ma huhuba ma ngi mata-mata o loku-lokuoka de o gota-gota ma timiuku de nimahuba-huba enangika! De nia datoro gea tohiromanga tato ngini nimaketero hoka o ngofeka abe manga badanga yomatobafukunu o nau-naurika de duru yosanangi dika yomaidu de o nauru ma homoa de manga badanga yomahidoaka dika onangika!
Womahimatoko de ahao Una witemo o Musaika wato, “Ngona naa enohonenge, de ngona nopahaka de ahao o Isiraele ma nyawa naa yomulaenge yomahirehene la ka yanii-niikoli o jou-jou ma homoaika. Abe ona ahao yowohamika ma tonakika gea de ipahaino de yomahijou o nyawa utu genangoka manga jouika. De gea ona ahao ihioluku Ngohi de ka yawohangika ahi behehongo ma demo abe ma dihiraino de mimahiketehibehehongoka ona de Ngohi.
De ma oraha gea ahao ahi ngamo duru ifae ma amokiye ho hiadono Ngohi ka taporete dika onangika de tanoaika, de ma bahauku de ona o bobinaaha yadaene onanguku. Abe manga kokangela de manga huha ma ngoe ahao yaohana hiadono yomakoketemo manga dodiawoika ato, ‘Boteua nanga kokangela naa inadaene mangale ma titi nanga Jou wonanoaika ho ko iwiwaka nanga hidogoronaka!’
Masara ipahaino de o Isiraele, abe to Una ai nyawa gea, ona yodadi yokutufuru de ahao yotobalawana, abe ona marai yolomo ilamokoholi hiadono yogodeoka! De duru yososanangi dika masara gea de iwiporete de iwinoaika manga Jou abe watulaada, de hiadono iwihitipokouku Unangika abe wodadioka manga Duduhunu, ho Una abe hoka manga lokuhakaru ko ihelo-helorua masara ka iwietongo ko kia-kiaua.
Naa adonoka ma oraha o Filistina manga popareta ma haeke yomatoomuino de manga kokawaaha duru ko manga ngoe la yodiai o huhuba ma amoko manga jou o Dagonika de yorame-rame de o higiriiri enangika. De angamoi yomahijou enangika gea abe yofikiri duru ena gea abe yaduhunoka ato, “Abeika nanga jou o Dagono iwihikala nanga musu o Simsono de iwihidoaka to ngone nanga giamino.”
Hokogea o Isiraele ma nyawa yodiai duru itorou Ma Jou o Yawe ai himangoka de ka hiadono iwiwohanga manga Jou, Ma Jou o Yawe, de yaleleani o popangao abe ihiromanga o Baala, de o popangao utu abe ma hapa irupa-rupa de ena gea ihiromanga o Hiowa ma Ngofeka abe nako to ona manga demo o ngo Asitorete ma popangao.
ကြော်ငြာတွေ