Hihira 10:18 - Ma Jou ai Demo-demo o Totobelohoka

¹⁸ De ahao o Isiraele ma nyawa manga hihira abe o Gileadino yoboa, ona yomakeleha ato, “Ho naa onaguna yotomoroini la wonahihira ma oraha hoaguru de halawana o Amono ma nyawaika? Abe onaguna dika inahihira, ahao nanga kangela naa ipahaikahi de una gea higoraka la wahipareta o Gileada ma nyawa mata-mataika!” Hokogea manga higaro ma demo.

Hihira 10:18 ပူးပေါင်းရင်းမြစ်များ

Hihira 1:1

Abe ma oraha o Yosua wopahaka de ahao o Isiraele ma nyawa iwileha Ma Jou o Yaweika ato, “Koaho onagona ngomioka abe irahai yohiraika la yoiki yabaata o Kanani ma nyawaika gea?”

Hihira 10:17

De ma oraha gea o Amono ma nyawa manga tentara yomatoomuino de yomahidiai la yomaketeparangi de o Isiraele ma nyawa. Ho o Amono ma nyawa manga doomu ma ngi naga o Gileada ma tonakoka, de o Isiraele ma nyawa onangoo yomatoomuino o Gileada ma tonakoka, abe manga doomu ma ngi abe o Misapa ma kapongoka.

Hihira 11:1

De ahao naga o Isiraele ma nyawa womatengo ai romanga o Yefata abe una duru wotobamoroini o Isiraele ma nyawa manga musuika hiadono duru wososawaro woparangi onangika. O Yefata o Gileada ma nyawa de ai baba unangoo ai romanga o Gileada abe yomahitoomuika de manga tonaka. Masara o Yefata ngoi meme o homoaino ma nyawa abe ai baba o Gileada womihewa la womaidu de muna ho hiadono muna mamake ami ngofaka o Yefata.

Hihira 11:11

Ho o Gileada ma balu-baluhu ma oraha yolio de o Yefata waniiki de ahao una de o Gileada ma nyawa yomahiketehibehehongo la genangino de iwihidadi to ona manga popareta ma hidimono de manga tentara ma hihira. De o ngi moioka abe ma romanga o Misapa o Yefata waika de genangoka womahingahuoli ai hininga Ma Jou o Yawe ai himangoka de o Gileada ma balu-baluhu manga himangoka wohigalioli ai behehongo ma demo mata-mata abe ihira wahibehehongokau o Gileada manga balu-baluhika.

Hihira 11:4

De ipaha naga o Amono ma nyawa yaparangi o Isiraele ma nyawaika de hiadono duru yahikangela ona abe yogogere o Gileadoka.

Hihira 12:7

De o Yefata, abe o Gileada ma nyawa gea, una wodadi o Isiraele ma nyawa manga hihira o taongo butaanga dika ma dekana de una wohonenge. De una wohonengoka de iwilungunu o ngi moioka abe imakitingaka ko ikurutikaua de manga kota moi o Gileada ma tonakoka.

1 Samuele 17:25

De mangale ma titi manga hawana ho ona ato, “Abeika to una ai lamoko! De nitoihene ai demoika gea! Gea ho hiadono nanga koano o Saulu wonahibehehongo ngoneino abe nako womatengo naga abe wimoroini hiadono o Goliata gea witoma de duru ai hadia ilamoko unangika. Abe ahao o Saulu ngoi ora womihigogilaka unangika de to unangoo ai baba ai tauino manga utumu angamoi ona mata-mata ai tauoka nanga koano wato ahao ka ihikaika ngaro ufa o pajaka ma tiwi yofangu unangika. Hokogea ai hininga o koano angamoi wato kiani o Goliata gea wohonenge.”