Hihira 10:10 - Ma Jou ai Demo-demo o Totobelohoka

¹⁰ De mangale ma titi duru yokangelaka ho ipahaino de ona duru yomagaho-gahoko o duduhunu Ma Jou o Yaweika ato, “Ngomi naa duru miahowonoka. Abe ngomi miniporete Ngona la ka idadi mimahijou utuika, de gea mimahuba-huba o Baala ma popangaoika.”

Hihira 10:10 ပူးပေါင်းရင်းမြစ်များ

Higiriiri 107:13

Masara de ahao manga kokangela ma goronaka de manga huha ihiboaka, Yomagahoko ato, “Ngona, Ma Jou o Yawe, nomiduhunu!” De Una wahigihene de wahihohe manga kokangelaino.

Higiriiri 107:19

Masara de ahao manga kokangela ma goronaka de manga huha ihiboaka, Yomagahoko ato, “Ngona, Ma Jou o Yawe, nomiduhunu!” De Ma Jou o Yawe wahigihene de wahihupu manga kangelaino.

Higiriiri 107:28

Ho ona manga kokangela ma goronaka de manga huha ihiboaka, Yomagahoko ato, “Ngona, Ma Jou o Yawe, nomiduhunu!” De Una wahigihene de waduhunu hiadono manga huha ipaha.

Hihira 10:9

De o Amono ma nyawa ona yomahihora o Yorodani ma akere ma honongaika la yomakalawanoo de o Yehuda de o Benyamini de o Efaraimi manga dutu-dutuika. Ho o Isiraele ma nyawa ma oraha gea de manga wowangoka duru yokangelaka.

Hihira 3:9

Masara o Isiraele ma nyawa yohuhaholi ka hiadono duru ihigali-gali yomagahoko Ma Jou o Yaweika la waduhunu. De Ma Jou wagihene manga gogahoko de wiiriki womatengo ai romanga o Otiniele abe o Kalebe ai dodoto o Kenasa ai ngofaka. De o Otiniele gea Ma Jou wihiakunu la una ka idadi o Isiraele ma nyawa wahihupu manga kangelaino.

Hihira 4:3

De o Sisera wahipareta o goroba parangi o ratuhu hiwo. De o goroba parangi mata-mata gea yodiai o behino ho o Sisera de ai tentara duru de manga buturungu de yahikangela o Isiraele ma nyawa o taongo monaoko ma dekana. Hokogea yohuhaholi de ahao o Isiraele ma nyawa ihigali-gali yomagahoko Ma Jou o Yaweika la waduhunu.

Hihira 6:6

Hokogea o Midiana ma nyawa yahikangela o Isiraele ma nyawaika o taongo tumidino hiadono duru yohuha. De hokogea hidutu manga huha duru kohadubuho de ahao yomagahokoli o duduhunu Ma Jou o Yaweiye.

1 Samuele 12:10

De o Samuele ai hohininga ma demo gea wohigila-gila wato, “De ipahaino de duru yokangelali de ona de manga huha ma gari yomagahokoli Ma Jou o Yaweika de yogari-gari yomangaku manga howono Unangika, ato, ‘Mia Jou, Ma Jou o Yawe, ngomi naa miahowono ma amokoka Ngonaika abe miniporetika de mimahuba-huba o Baala de o ngo Asitorete ma popangaoika. Masara ka de Ngona nomihihupu to ngomi mia kangelaino naa, abe mia musu imihikangela, de ngomi minihibehehongo ka Ngonaika dika mimahuba-huba.’

1 Samuele 7:6

De ona o Samuele iwihigihene ho duru ko manga ngoe yokokiboa o Misapa ma kotaino de genangoka yomatoomuino la yodiai o huhuba duru ma amoko. De manga huhubaino gea de ona ihitunguu Ma Jou o Yaweika manga toduba. Ho yomagui-guiti o akere o humuino de ma akere gea yakopoa Ma Jou o Yawe ai himangoka. De o wange moi ma gahumu duru ko yolo-olomua bowahu ka yomangaku dika manga howo-howono abe Ma Jou o Yaweika. De genangoka o Samuele o Isiraele ma nyawa waurusu abe manga howono watailako de ona abe itaana yahowonoka gea una dika manga hohowono waputuhu.