Higiriiri 82:5 - Ma Jou ai Demo-demo o Totobelohoka

⁵ De ahao Ma Jou ka wotemohi ma titi o jou-jou utu gea, wato, “Ona duru ko kia-kiaua yataoko itiai, ho imaketero ka ihikaika yohuruputu angamoi o fufutu dika yatobaniiki. De mangale ma titi manga hininga gea hiadono o dunia ma amokika de hoka ihikelu-keluoka, abe ma titi o totiai ko ilakuokaua o duniaka.”

Higiriiri 82:5 ပူးပေါင်းရင်းမြစ်များ

Higiriiri 11:3

De nihihihohininga ngohino niato, “De hongoli, nanga popareta ko aniikokaua o totiai ma hiaturu, Ho ko idadiokaua ngone homakao irahaioli, Angamoi nanga popareta ma lifunu akiliangoka. Ho ko iwaka ma ngekomo la ngone o totiai ma nyawa holaku.” Hokogea ti ngini nia hingahu ma owa ngohino masara ngohi ko toarua.

Sosawaro 1:29

De gea angamoi ona o nyawa abe yodohata o tobahiorikika de duru ko ma moiuahi yamao o horomati ma modongo Ma Jou o Yaweika ho ko iwimodongua Unangika de ko yopusingua to Una ai tobahiorikika.

Sosawaro 2:13

Abe ona gea yomatingaka ma rorahaioka de aino la yaniikoli o fufutu ma ngekomo.

Sosawaro 4:19

Masara, duru imakohowono to ona yotobadiai itorou manga wowango ma datoro, abe to ona manga dodagi duru o fufutu ma ngekomo dika yanii-niiki. Ho ka ihikaika yopeleke de yoruba masara manga wowango ma dodagi o fufutuoka ho ko ihiorikua manga bebeleke gea o kia.”

Tobadotoko 2:14

Angamoi o sosawaro ma nyawa ona ka idadi yamake manga wowango ma ngekomo de manga dumutu enangoo ihioriki. Masara o bodo ma nyawa ona ka yotagi-tagi o fufutuoka. De masara ngaro o sosawaro ma nyawa de ngaro o bodo ma nyawa masara ona mata-mata manga bahauku de ka imakoketero dika, abe ma titi ona yoborihonenge dika.

Yesaya 5:7

De ai ade-ade ma demo hokogea angamoi ihidumutu ngini Ma Jou o Yawe Wokokurutiye ai nyawaika! Abe ngini naa nidadioka hoka to Una ai angguru ma redi. Ngini o Isiraele ma nyawa de abe nimanoa o Yudea ma tonakoka, duru ngini abe winihiromanga wato ai redi abe duru wodora! Ho Una duru wongano-nganono la wamake o totiai ma hasili nginioka de aino. Masara ai nganganono gea ko idadiuali ho wamake dika o gangamo nginioka. De Una duru wonganono winimake abe ngini nimakao itiai de nia gogianongoru, masara abe wamake gea o nyawa yopoa-poaka ma titi nimahiketehikokangela! Ho ma hasili abe wamake nginioka gea ka ma suka-suka dika de ko iwa ma muti-mutiti!

Yohanese 12:35

De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.

Yohanese 3:19

Hokonaa ma titi manga hohowono gea: angamoi o dararono ma gou-goungu Ma Jouino iboakau o duniauku, masara o nyawa nako o dararono de o fufutu ka o fufutuohi yoigo mangale gea ona yodiaioka itorou.”

Roma 1:28

De ona gea yomaputuhoka ato ko iwihiningakauali ma titi Ma Jou. Ho mangale ma titi manga hiningaka hokogea yomaputuhu, ho Ma Jouoli womaputuhu ma titi ona abe wahidoaka onangika la to ona manga hiningaka gea yotula-tulaka dika, abe manga datoro gea duru ko itiaiua.

2 Timotiusu 2:19

Masara nako Ma Jou ai abari ma gou-goungu ena gea duru ko ikelu-kelua. Angamoi ai abari gea tohiketero hoka o hakaru moi duru ma amoko de ena gea o nyawa yakelengauku o tonakoka la gea idadi o tau ma lifunu de duru iputurungu ka hiadono ko idomo-domoua. De gea naga ma hakaruoka ma hingahu ma demo ihitulihika ato, “Nanga Baluhu idodutu Una gea ka idadi wobawilika wonalega nanga hiningaino homoi-homoi, ho Una gea duru wonahioriki ngone onagona dika abe hagou-goungu hodadioka to Una ai nyawa.” De naa moioli ai hingahu ma demo ngoneino itemo ato, “Ngoneoka onagona dika homahingahu hato hiniiki nanga Baluhu, gea kiani nanga datoro ma dorou gea ena hanoaka.” Hokogea Ma Jou wonahigaro ma totiaiika, de gea ena ai demo ko ikelu-kelua masara itongohono ka hiado-adonika abe imaketero hoka ma hakaru ma amo-amokoli gea ho duru itongohono. Ho ngona o Timotiusu ngaro ufa dika de nohigihene o nyawa manga demoika gea abe imakalawana de Ma Jou ai hininga de abe ena gea manga demo ka ma homoa dika.

1 Yohanese 2:11

De masara nako o nyawa onagona dika de yadohata manga gianongoru abe o ngongaku moioka, ona gea yomanoa o howonoka ho gea hoka o fufutuoka dika yotagi-tagi. De hongoli ona gea duru ko ihiorikua to ona manga dumutu o kiaika yoiki, angamoi ona gea yorafioka ma titi ifufutuokaholi hiadono ko yomahiorikokaua.