Ka de yomatoomuinoka de ahao o Elia wakokihimanga de wataere onangika wato, “O Isiraele ma nyawa, hokokia ma dekanohi nia hininga hinootohi abe ma moi ma moi niato niwiniiki Ma Jou o Yawe de ma moi ma moi nihikokasapuru nimahuba o pangaoika. Ho ngini kiani nimaputuhu nimahuba-huba onagonaika! Nako Ma Jou o Yawe gea Una igoungu ti ngini nia Jou, kiani niwiniiki ka Una dika. Masara nako niato o Baala gea ti ngini nia jou, gea ena dika nianiiki.” Hokogea o Elia ai demo. Masara o Isiraele ma nyawa abe yomatoomuino genangoka duru yomarii-riidoka dika.
Higiriiri 82:2 - Ma Jou ai Demo-demo o Totobelohoka2 Ho Una watemo o jou-jouika gea wato, “Done hokokiahi ma dekana abe ngini ka niaduhunohi o dorou ma nyawaika? Abe ti ngini nia putuhu ko itaanua ma oraha niaurusu o nyawaika! အခန်းကိုကြည့်ပါ။ |
Higiriiri 82:2
16 ပူးပေါင်းရင်းမြစ်များ
Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.
De una gea wotemo ibooto de o Yesusoli wotemo o nyawa yowoe-woeika wato, “Adoo! Ngini naa mata-mata ko iwahi nia ngongaku Ngohino! De ngini ka ihikaika nirehene Ma Jou ai ngekomoka de aino! De hiokoo ngini, angamoi nako Ngohi ko ahi dekanohi nginioka de ngaro hokogea ma bote ngini ko nihingakuahi Ngohino! Ho mode muruonoka de ahao nihingaku? Abeika to una ai ngofaka niwiaoino Ngohino.”
De abe ma titi o Abari ma Rorahai ngohi tahingahu-ngahu, ngaro ona gea o Yerusaleemoka abe yahiromanga onangika ato manga gareja ma hihira, ma ona gea ko yodogoua ahi demoika angamoi ona yatailakoka ahi demo gea tahiabari, de ato bari ko iwa ma kuranga ahi demoino. De gea ngohi tosanangi abe ona de ngohi mimaketehiningamoi abe ma titi ahi abari ma demoino. De masara nako ngohi, ko topusingua ona gea yahiromanga onangika ato o gareja ma hihira eko koua, angamoi ngohi tohioriki nako Ma Jou Una gea ko wairikua o nyawa de ko womalegaua abe o nyawa manga gogere ikurutiye o dunia ma lokuoka. De tanu ngaro hoka ma oraha gea de o gareja ma hihira manga hininga ko isanangiua de ahi demo gea tahiabari, ma gea ko topusingua angamoi tohiorikoka abe ahi kuaha de ahi demo gea Ma Jouoka dika de aino.
abe duru ko idadiua niairiki o nyawa. Ho ngaro o hu-huha ma nyawa naga manga gurubungu eko o kaya ma nyawa, masara ona mata-mata kiani niaurusu de niatailako itiai manga gurubungu. De ufa hiadono ngini inimodongo o nyawa onagonaika dika, angamoi ahao ti ngini nia putuhu gea ihititi Ma Jouoka dika. De nako ma moi ma moi naga o nyawa manga gurubungu abe ngini niamao ihuhaholi niamake ma gou-goungu ho ko nihiorikua ma putuhu koaho hokokia, gea de ahao ka idadi niboa ngohino. De ngohi ahao tinituruuru la ngohioli taurusu manga gurubungu gea.’
ကြော်ငြာတွေ