Higiriiri 8:3 - Ma Jou ai Demo-demo o Totobelohoka

³ De ngaro o ngofa-ngofaka ma gogilauohi masara inihioriki ani gogurutiye gea hiadono duru inihigiriiri Ngonaiye de o nyanyianga! De mangale ma titi o ngofaka manga higiriiri ma demoino gea de Ngona ka idadi ani musu mata-mata nahibobaha de nahikokihibinaaha onangika.

Higiriiri 8:3 ပူးပေါင်းရင်းမြစ်များ

Dodadi 1:1

Duru ma dodihiraka Ma Jou womulaenge wotulaada o dunia de o dihanga mata-mataika.

Higiriiri 104:19

De o mede notulaada la ena ihitunguu ma oraha ma dekana, De o wange notulaada la ma hiaturu yaniiki itumunu.

Higiriiri 19:1

Ma dihanga mata-mata inahingahu ma titi Ma Jou ai medebini ma dararono, de daku ma hoanino hamake ai giama ma hasili.

Higiriiri 33:6

Mangale ma titi Ma Jou o Yawe ai uru ma demo dika de ma dihanga imadadi, o demo moi dika ipaata ai uruino de o murumu mata-mata watulaada.

Huhupu 31:18

Ho ka de Ma Jou o Yawe wabooto wihingahu o Musaika o Sinai ma lokuoka de ahao wihidoaka unangika manga behehongo ma titi ma hakaru. Gea o hakaru hinooto ma baka-baka abe genangika de to una ai hagaraara Ma Jou wohitulihi ai pareta ngimoi.

Huhupu 8:19

De ona yososawaro yotobamai-maihi gea iwitemo manga Firaunika ato, “Abeika, naa ma titi manga Jou to Una ai buturungino dika hiadono o heheranga naa inadaene de ngaro de ai hagaraara dika wonatumutu ngoneino!” Ngaro hokogea iwihingahu o Firaunika masara to una ai hiningaka ka womatogowinohi! Ho idadi imaketero de Ma Jou o Yawe wahingahuokau o Musa de o Harunika abe o Firaunu gea ko wahigihenua.

Lukasa 11:20

De Ngohi tato mangale ma titi ahi kuaha Ma Jouoka de aino iboa la o tokata tohititoko, ho mangale naa itaanoka abe ma oraha adonoka la Ma Jou wahikoano ai nyawaika.”

Roma 1:20

Abe ahi demo gea ma titi hokonaa. Abe ngaro ko idadiua ngone o nyawa himake de nanga lako Ma Jou, masara duru ma dodihirainohi de hiadono naa de ka ihikaika wonahimatoko ngoneino to Una ai hininga abe ma titi ai dulaadaino. Ho ma oraha ai dulaada wotulaada ibootino de hiadono naa de ka idadi ngone o nyawa hamake de nanga lako o dunia naa de ma kiahonanga abe Una wohidadioka. De genangino de ka idadi hataoko itararono ma titi to Una ai kuaha kohaamoko abe ko iwa ma bobaha, de abe hataokoo Una gea wagou-goungu Ma Jou idodutu, de abe naga utu duru ko iwa. Ho mangale ma titi gea mata-mata duru itararono ngoneino, ngone mata-mata ka idadi hohioriki abe Ma Jou Una gea hokokia. Ho duru ko moiua abe ka idadi yomahipongono ato, “Ngohi ko tihiorikua abe Ma Jou Una naga.” Duru ko idadiua o nyawa yomademo hokogea angamoi tanu ka idadi iwihioriki itararono abe ma titi Ma Jou.

Higalioli 4:19

De hokogenangoo nako ngini nimamatagaiye daku o dihangiye de niamake o wange de o mede de o muru-murumu de mata-mata abe naga ka idadi niamake o Horogaka. Genangoo ngini kiani nimahitiari la ufa inihiloara enangika de hiadono nimahuba-huba de nialeleani. Angamoi abe naga o Horogaka gea nia Jou o Yawe Una wahitagongoka la yodadi o dutu homoi-homoi o duniaka manga jou ho ona yomahijou enangika.