De gea yogila-gila o Elia de o Elisa yotagi yomakiniiki de yomakoketemo de ka itodokanino naga imahimatoko onangika o goroba abe atauru de o kuda muruono naga de ena mata-mata Ma Jou wohidadi o uku ma dokarino! De o goroba gea iuti yahinootouku gea de iboa duru manga hidogoronaino de yahikatingaka! De ka itodokanino naga o hidaloko ma gilioro enangoo iuti o Eliauku de iwihigororomo, de iwihigilolitino, de iwigoraka daku o Horogaiye.
Higiriiri 68:17 - Ma Jou ai Demo-demo o Totobelohoka17 Ma Jou ai goroba abe ma rupa o goroba parangi naga isana abe isana, Ko idadiua haetongo ai momalaekata o dihangoka ai gogorobaka gea, De angamoi kohangoe ona Ma Jou ai gogorobaka iwihigilolitino, Ho abe ma oraha o Sinai ma loku wanoa de wogoraka dakuiye, Wowohama ai ngi duru kohamedebinika abe Una womadingakoka. အခန်းကိုကြည့်ပါ။ |
Higiriiri 68:17
16 ပူးပေါင်းရင်းမြစ်များ
Ho marai ma titi o kia hiadono Ngona ahi Jou o Yawe ani ngamo ipuda de noboa la nato noparangi? Bote ani ngamo itagi o akere ma ngoeika, eko marai o gahi abe idadi ani ngamo ma dumutu? Abe ma oraha o lobi-lobi nofarene hoka ani goroba parangi la noboaino de nao ani duduhunu, gea ani ngamo ma dumutu o kiaika? De gea maraioka Ngona notagi-tagi noboaino la ka idadi naduhunu to Ngona ani nyawa. De ngaro ani Huhuloko abe ma dodihiraino niirikoka masara Unangoo niduhunu ma titi ani boa.
De mode ngona ko nohiorikua abe nako Ngohi tomagahoko o duduhunu ahi Babaika de ka jai-jai dika de wohiduhunoka? Abe nako togahoko la wahidingoto o malaekata duru yosana, gea ka de tomagahoko de ma malaekata yoboaka la ihiduhunu de ihidatoko o kangelaino gea. Ho gea tanu ngaro ufa de ngona nohidatoko!
“Ma Jou o Yawe Una woboa o Sinai ma lokuoka de waino ngoneino, de ipahaino de Una o Edomo ma lokuoka de wonahitawangeuku ngoneuku. De ipahainoli de Ma Jou ai dararono ma medebini inahitararono ngoneuku o Parana ma lokuoka de auku, de gea naga ai momalaekata yasana ngimoi abe iwinii-niiki Unangika. De ma oraha gea ai giama ma nirakoka naga wasoino o uku moi abe itoka-tokara.
ကြော်ငြာတွေ