Higiriiri 51:2 - Ma Jou ai Demo-demo o Totobelohoka

² Ahi howono duru idadioka imaketero de o noda to ngohi ahi wowangoka, Ho imaketero hoka o pakeanga yonodaka kiani duru homaboka, De ka hiadono ma noda gea ihihanga la ma pakeanga idadiokali iarehe, Hokogea tomagahoko la Ngona nohihitebini ahi howonino, Ma Jou!

Higiriiri 51:2 ပူးပေါင်းရင်းမြစ်များ

2 Samuele 11:4

Hokogea woihene de o Dautu ai hidingoto ma nyawa wahidingoto la yoiki imile. Ho muna imiao o Dautino. De ahao idadi una de muna yomaidu. Abe muna ma oraha gea maniiki ibooto o ngofeka manga hiaturu la yomahitebini abe manga mede yapahaka. De yomaidu ibooto de muna ahao molio ami tauika.

2 Samuele 12:1

De Ma Jou o Yawe wihidingoto ai uru ma dodofanga, ai romanga o Natana, la woiki o Dautika. Ho una woboa o Dautu ai himangino de ai hingahu unangika ma rupa o hiketero ma ade-ade. Abe o Natana wiade-ade o Dautika hokonaa, wato, “Koano, naga moi abe idadioka kiani toniade-ade de hokonaa ma ade-ade. Naga o nauru yahinooto yogogere o kota moioka de womatengo wohuha o kiahonanga de womatengoli una gea wokaya.

Higiriiri 19:12

Angamoi mode ngone o nyawa ka idadi homahioriki nanga howono mata-mataika? Ho duru tomagahoko la ufa ahi hohowono ihidaene ma titi ma howono gea abe ko ahi hiningaua de todiai dika.

Higiriiri 51:7

Duru tomatoduba de tonganono la Ngona Ma Jou nohihitebini ahi howonino, Ngaro de o huhuba ma awunu napake la ahi peseke nohihihanga. Nohihiohiki ngohi hoka ona abe yapado nahitebini manga panyakeino, De ahao to ngohi ahi medebini imaketero hoka o gotoaka ma gogo ma magarehe.

Yohanese 13:9

De ahao o Simono Peturusu wotemoli wato, “Nako hokogea ufa ahi lou dika ma kiani ahi pea de ahi giamoo naihoro!”

Hidingoto 22:16

Ho naa adodoa ho ko nomasikaauahi? Kiani nomahiburahiye la toniohiki ngonaika. De kiani nomaniata de nomagahoko Unangiye la ka idadi ani howo-howono waofioka!’ De hokogea ahi dodiawo o Ananiasa ai higaro ma demo ngohino.”

1 Korintusu 6:11

De ma dihira ngini utu hokogea nia wowango, masara naga ma moiuku de ngini iniohikoka de inihitebinoka. De gea ma oraha abe inihitotiaioka de nanga Baluhu o Yesusu Kristusu ai romanga de Ma Jou o Womaha ai kuahaino. Ho naa ngaro ufa nianiikohi nia wowango ma hira gea.

Himatoko 1:5

De nagali o Yesusu Kristusu, abe Una gea watobagou-goungu ai hingahu ma demoino. De naa to Una ai himatoko ma dihirainohi de Ma Jou wihimatokoka Unangika, ho ma oraha naangoli de o Yesusu wohihimatoko gea ena ngohino. De ai himatoko naa ngone duru ka idadi hangaku genangika angamoi o Yesusu Kristusu Una gea watobagou-goungu ai hingahuino. De Una gea duru wohira womomiki ai honengino de ko wohonengokaua. De gea Unangoo o dunia naa ma kokoano manga Koano. Ho nanga Jouika gea abe tinigahoko ngini la ahao ai owa de ai hininga ma miriidi winihidoaka nginika. De naa ngone ngaro ka hihigiriirioka o Yesusu Kristusika, angamoi Una gea wonadora ngoneino de wonahihoheoo nanga howo-howonino abe ma oraha wohonenge de to Una ai awunu iuihi.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.