Higiriiri 51:18 - Ma Jou ai Demo-demo o Totobelohoka

¹⁸ Ma Jou, kiani nomalega o Siono ma lokuika de ani dora ma hiokoo, Genangoka o Yerusaleeme ma kota masara ma dadaduhu irusakoka, Irahai Ngona nohigokokali o Yerusaleeme ma dadaduhu gea.

Higiriiri 51:18 ပူးပေါင်းရင်းမြစ်များ

Nehemia 2:17

Ho de ahao ona mata-mata gea ngohi tatoomuino de tahingahu onangika, tato, “Abeika to ngone nanga kangela abe nanga hininga ma huha ihititi genangika. Nanga kota ma ayo naa o Yerusaleeme abe ka ma moi de ma dadaduhu duru irusakoka de ma ngorana yakokitufukoka. Ho naa de ahi higaro nginika tato, abeika o Yerusaleeme ma dadaduhu hohigokoli la ufa ka ihikaika howango de nanga hininga ma huha ikiriakaholi.”

Mika 6:7

Ekola o domba ma nauru abe o dutu duru isana, marai gea ka idadi homahihuba la ahao wonasanangi ngoneino? De o saitunu ma minya kohaamoko ka idadi hogopoauku o huhuba ma ngiuku hiadono ihahurika ngade-ngade hoka o nguihi ma tonakika. De marai kiani nanga ngofaka duru ma riaka hahidoaka Unangika la yodadi nanga ngongoluku ma hibalaha, abe nanga badanga ma hofoko gea kiani haturuuru la nanga howono Unangika waofioka. Bote hokogea kiani homahihuba Unangika la ahao nanga Jou wonadafongoli.

Lukasa 12:32

“De igoungu abe ngini Ma Jou ai nyawa ko niwoeua de nia kuaha hatoli ko iwa. Masara ufa nihawana, angamoi ti ngini nia Baba duru wosanangi dika winigorakiye la nidadi to Una ma hirete ai nyawa hiadono Una winihikoano nginika.”

Efesusu 1:5

Ho gea duru ma dodihirakahi de Una wonahideeokau wato ahao ngone hodadi to Una ma hirete ai ngofa-ngofaka! De gea ma titi to Una ai mau de ai hininga ma rorahai dika ngoneino hiadono wipake to Una ai Ngofaka o Yesusu Kristusu ai datorino la ai hidee gea idadioka. Ho gea igoungu abe o Kristusu ai datoro o gotaka dika ma titi hiadono ngone hodadi Ma Jou ai ngofa-ngofaka.

Filiipi 2:13

Abe ngini ka niakunu Ma Jou ai mau nianiiki mangale ma titi Una ma hirete wokarajaanga nia kokihiningaka la hiadono nioigo nianiiki ai mau. De Una wokarajaanga nia kokibadangokaoo la nia buturungu naga. Ho ma titi duru Ma Jouoka de aino hiadono ka idadi niakunu Ma Jou niwihisanangi.

2 Tesalonika 1:11

Ho mangale ma titi nginioo ahao naga de de ngomi abe ma wange gea woboali de hihigiriiri Unangika, ho hiadono ngomi duru ka ihikaika mininiata Ma Jouiye. De gea minigahoko la ti ngini nia hininga de nia wowango gea imakataana de to Una ai mau nginika la gea ka idadi niwihisanangi Unangika de gea winimake abe nia wowango itaana abe hoka itiai ai nyawa howango. Angamoi Una winiahoko ngini la wato nianiiki to Una ai hininga. De ngomi minihioriki nia hininga, abe nginioka naga nia hininga de nia hidee ma rorahai abe nia ngongakuoka de aino iboa. De gea minigahoko Ma Jouika la Una ahao winihiakunu hiadono ngini ka idadi nidiai de nihingodumu nia hininga ma rorahai mata-mata.