Higiriiri 37:9 - Ma Jou ai Demo-demo o Totobelohoka

⁹ De abeika, ona abe yotobadiai itotorou ahao yahibinaahaka, Masara ona abe iwingaku Ma Jou o Yaweika ko yobinaahaua, De to ona manga tonaka yamake abe ka idadi yoriidi genangoka.

Higiriiri 37:9 ပူးပေါင်းရင်းမြစ်များ

Higiriiri 37:29

Ona abe manga wowango ma datoro duru imakiniiki de Ma Jou ai totiai, To ona manga oara manga tonaka abe yogogere genangoka ka hiado-adonika.

Sosawaro 2:21

Ona gea ka idadi yogogere ma tonakoka gea abe Ma Jou wahidoaka hoka wahibehehongoka. De nako ona yaniiki ma gou-goungu ma ngekomo de yodiai itiai gea yomahitaana o nyawa mata-mataika abe manga wowango yao itiai. De ona gea ka idadi ka ihikaika yogogere de yoriidi o behehongo ma tonakoka gea.

Maleaki 4:1

De ahao Ma Jou o Yawe Wokokurutiye wogila-gila wotemo wato, “Abeika ngini nitotoihene ahi demoino! Angamoi Ngohi tinihitiarioka ma titi duru igoungu abe o hohowono ma wange ahao idadi! De ma hohowono gea ka idadi hohiketero hoka o uku kohaamoko abe o kia dika iwohama to ena ma doka-dokarika de duru atinoka hiadono ko iwaka ma hou. Ho ma wange gea adonoka de ahao ona yomasade-sade de abe ma dorou yotobadiai, ona mata-mata yahibinaaha de o uku imaketero hoka o ruruubu dika yaumo doka o uku ma goronaika de ko iwaka. De nako ona gea hahiketero de o gota, gea ahao ngaro to ena ma jaga eko ma ngutuku masara duru ko iwaka mata-mata.”

Ibarani 11:16

Masara duru hokogenangua to ona manga hininga, masara ona duru yoigo la ato yomahiadonika o tonaka eko o ngi abe ka enangohi duru irahai nako de o ngi utu. De gea ma titi tanu yoigo yomahiadono o Horogaiye, abe ma ngi ka enangohi duru irahai. Ho mangale ma titi to ona manga hininga ma dumutu duru itagi Unangika de ai ngiika, ho Ma Jou duru wosanangi ma titi ona gea yomahijou Unangika. De mangale ma titi Ma Jou wasanangi onangika hiadono Una wahidiaioka to ona manga ngi ai kotaka gea abe imanoa o Horogaka.

Himatoko 5:10

“De Ngona nahidadi ona to Ma Jou ai kokawaaha o doomu moi la ona ka idadi iwileleani Unangika abe hoka ma dihiraino ona o hidemo ma nyawa Ma Jouiye onangoo iwileleani Unangika! De ona gea ahao yokoano o dunia ma lokuoka.” Hokogea manga higiriiri ma demo yonyanyi Unangika.