Higiriiri 37:32 - Ma Jou ai Demo-demo o Totobelohoka

³² De ona yotobadiai itotorou yatobagoana o totiai ma nyawaika la ato yatoma, De yalingiri o hiaka ma titi la ato itiai yahohowono de o hohonenge.

Higiriiri 37:32 ပူးပေါင်းရင်းမြစ်များ

Dodadi 39:16

De muna gea ai baju ko mapidilua ho masoino ka hiadono o Yusupu ai hidimono o Potifara woboa.

2 Kokoano 6:13

De ahao o koano wahuloko ai tentara ma dimo-dimonika, wato, “Nako gea ngini o Elisa ai gogere kiani niolingiri la ngohi tahidingoto o tentara la yoiki iwitaoko.” Ka de ona gea o Elisa iwihioriki de manga hingahu iboa o koanoino ato, “O Elisa naga o Dotana ma kotaka.”

Higiriiri 37:12

Masara yotobadiai itotorou gea yadohata onangika, Angamoi ko yaigoua onangika abe manga datoro imakiniiki de Ma Jou ai mau. De manga dohata ihihanguru onangika abe manga wowango itiai.

Yeremia 18:23

De Ngona ahi Jou nahiorikoka manga hininga de manga hidee ma dorou ngohino. Ho tomagahoko la ufa namalaika dika manga datoro ma dorou de ufa ka naofi dika manga howo-howono. Masara koaho nahohowono onangika de nohipake ani ngamoino la manga musu ka idadi yokokiboaino de duru yahikala onangika to Ngona ani himangoka!”

Lukasa 11:54

la ato ai babaluhu ma demoino ihititi la iwitaoko de iwiurusu.

Lukasa 14:1

De o Hiaini ma wange moiokali de naga o Farisi ma nyawa manga hihira womatengo abe una wiahoko o Yesusu la woboa ai tauika la yomakutuono yolomo genangoka. De naga manga ngoe genangoka abe duru iwigoana la ka idadi ihititi ai datorino moi hiadono iwitaoko de iwiurusu.

Lukasa 20:20

De o Yahudi ma nyawa manga hohidimono gea yogoa-goana la ma ngekomo yamake hokokia iwitaoko. Ho ona iwileha-leha o Yesusika la ato wahowono ai bobaluhino. De ihititi genangino la ka idadi iwikalaki o Roma manga popareta ma hidimonika la hiadono iwitaokino o Yesusu. De ipahaino de yahidingoto o Yesusika o nyawa abe yomaaduru hoka o totiai ma nyawa abe ko iwa manga hininga ma dumutu ma dorouika.

Lukasa 6:7

De nagali o Farisi ma nyawa de ona abe yotobadoto-dotoko o Musa ai Paretaino yamuruono naga abe duru iwigoa-goana o Yesusu angamoi iwihideeoka la iwikalaki de iwiurusu o hiurusu ma ngioka. De iwigoana la ato iwidaene ma oraha watilakuru moi manga pareta de ka idadi ihititi genangino abe wahowonoka. Ho ona iwilega-lega la ihioriki nako o Yesusu ahao wihitogumu womatengoika gea abe ai giama iheluku, angamoi naa o Hiaini ma wangeoka.

Hidingoto 9:24

Masara naga abe yoihene manga hidee ma dorou ma demo de iwihingahu o Saulusika. Abe o kota ma ngoranoka naga o nyawa iwigoa-goana o futu de o wange la ka idadi iwitaoko de iwitoma unangika.

1 Samuele 19:10

De itodokanino de o Saulu wohitailoli wituduku o Dautika abe ai hiningaka la wato witoma. Masara o Dautu woditokoli ma kuama gea de woara wohupu ma fufutuika. Ho o Saulu ka wingofuoli de ai kuama ka yodubuku ka ma dadaduhika dika o koano ai tau ma goronaka.

1 Samuele 23:14

De ma oraha gea o Dautu de ai nyawa yomanoa-noa o loku-lokuoka abe naga o Sifi ma tonaka ma kakaahaka. De ngaro o Saulu ka ihikaika wilingiri ma tonakoka gea masara Ma Jou widuhunu o Dautika ho ko idadiua widaene.