Higiriiri 37:31 - Ma Jou ai Demo-demo o Totobelohoka

³¹ De ona abe manga wowango ma datoro duru imakiniiki de Ma Jou ai totiai, Yomadotoko Ma Jou ai behehongino de ma titi yagogono doka manga hiningaka, La ka ihikaika yomahihohininga de o totiai ma ngekomino ko yorehenua.

Higiriiri 37:31 ပူးပေါင်းရင်းမြစ်များ

Higalioli 6:6

“De ma pareta ma demo abe o wange naa tinihuloko, ma demo gea kiani ka ihikaika nimahihohininga.

Higiriiri 37:23

De ona abe manga wowango ma dumutu la iwihisanangi Ma Jou o Yawe, Una ahao wahiaturu manga aguru manga wowango ma ngekomika, De duru wosanangi waduhunu de mata-mata abe yamake manga wowangoka, Ngaro naga abe hato ko kia-kiaua ma to Una ai hininga adaene genangika.

Ibarani 8:10

De ahao ka wogila-gilahi wotemo wato, “Ho ngona naa Ngohi ani Baluhu idodutu tonihingahu ngonaika abe ahao ma oraha dokengika de o behehongo ma hungioli tahidoaka o Isiraele ma nyawa mata-mataika. De hokonaa abe ahi behehongo ma hungi ma demo ahao tahidoaka onangika. Ahao to Ngohi ahi pareta tohingohama to ona manga hininga homoi-homoi ma goronaika la enangika gea duru yongano-nganono, de gea ngade-ngade imaketero hoka ahi pareta gea tohitulihika to ona manga hiningaika. De ma oraha gea ona ahao duru yagou-goungu yomahuba-huba Ngohi manga Jouino, de gea Ngohi duru tafetongo onangika tato to Ngohi ahi nyawa tatobapaliara.

Sosawaro 4:4

De nia ete duru wohidotoko ngohino, wato, “Ahi ngofaka, ngona kiani de ani hininga ma gahumu nomahigagao ahi dodotokika. Abe nako de ani hininga ma gahumu nomahigagao ahi demoika, de naniiki ahi behehongo ngonaika, de gea ahao nowango ma gou-goungu.

Higiriiri 121:3

De Una ko winihigunoaua la o bodito inidaene. Una gea ka ihikaika winigoana angamoi duru ko iwikiookua!

Higiriiri 1:2

Masara ona naga manga garago abe ihititi Ma Jou o Yawe ai Demo-demoika, hiadono manga dora itagi enangika, Ho ngaro o futu de o wange ma, ka ihikaika manga hininga ma dumutu ka Ma Jou ai behehongika dika abe genangika yoigo yomahihohininga.

Sosawaro 14:15

O nyawa abe yotangakuholi ngaro ma demo o kia dika masara ka idadi yongaku enangika. Masara ona yosoo-sosawaro duru yatailako manga hininga ma dodagi la ka idadi ihioriki manga dumutu o kiaika.