Higiriiri 37:23 - Ma Jou ai Demo-demo o Totobelohoka

²³ De ona abe manga wowango ma dumutu la iwihisanangi Ma Jou o Yawe, Una ahao wahiaturu manga aguru manga wowango ma ngekomika, De duru wosanangi waduhunu de mata-mata abe yamake manga wowangoka, Ngaro naga abe hato ko kia-kiaua ma to Una ai hininga adaene genangika.

Higiriiri 37:23 ပူးပေါင်းရင်းမြစ်များ

Higiriiri 121:3

De Una ko winihigunoaua la o bodito inidaene. Una gea ka ihikaika winigoana angamoi duru ko iwikiookua!

Higiriiri 121:8

Ho Una Ma Jou o Yawe ahao winigoana nia wowango ma dodagioka mata-mataika, abe ngaro ma oraha naa de ka hiado-adonika!

Sosawaro 4:26

De nihidodiai nia lou la gea nianiiki dika o totiai ma ngekomo, de genangika dika niboa, la ka ihikaika nimangiriki itiai la ko niboditoua.

Yeremia 9:24

Abe nako o nyawa yomagoraka, naa dika ma titi hiadono ka idadi itiai yomagoraka. Mangale ma titi ona duru ihihioriki Ngohi Ma Jou o Yawe, de hiadono ngaro ahi hininga ma dodagi ma enangoo ihioriki. Ho nako igoungu naga o nyawa abe manga tobahioriki duru ihititi Ngohino dika de ona ka idadi yomagoraka. Abe ona gea ihihioriki abe hokokia ahi dora ko itoa-toakua, de ahi totiai, de ahi hohowono itiai enangoo gea ka ihikaika tohidagi o dunia ma nyawaika. De ena mata-mata tohidagi de ahi sosanangi ilamoko. Hokogea totemoka, Ngohi Ma Jou o Yawe!”

Ibarani 13:16

Masara ufa ka gea dika nanga huhuba Ma Jouiye, angamoi nagahi o huhuba utu ka idadi hotobadiai la genangino hihisanangi Unangika. De abe hotobadiai ma rorahai nanga wowangoka, de nagali abe haduhunu o nyawaika la manga perelu hahidailako. De nanga wowango ma datoro hinooto gea enangoo idadi hoka nanga huhuba Ma Jouiye abe duru iwihisanangi Unangika.

1 Samuele 2:9

Ma Jou duru wagoana to Una ai nyawa abe wahitebinoka, Wagoana manga ngekomika la ufa yopeleke. Masara ona abe manga datoro itorou ahao wahibinaaha, De ona gea wahigogere o fufutu ma goronaka. Abe ko ma titiua o nyawa de to ona manga buturungino dika yowango, De ko yamakeua o lolaku de to ona manga buturungino.

1 Samuele 29:10

Ho koaho itebini duru o ngoru-ngorumino abe ko itawangeuahi de ngini nimahidiai la nisobo. De ipaha ka de itawangeoka de ahao ngona de ani nyawa mata-mata nisobo nilio nia dumutika.”