Higiriiri 37:20 - Ma Jou ai Demo-demo o Totobelohoka

²⁰ Masara hokogenangua de ona abe yotobadiai itotorou, Ma Jou o Yawe womalega onangika de waetongo ai musu. Ho ona hahiketero hoka o ruruubu ma huri ihohe jai-jai dika, De ahao ma hohailoa gea ikororomo de ko iwaka. Abe yotobadiai itotorou hoka o uku ma nofo abe ihailiye de ihihanga, Hokogea manga wowango jai-jai dika de ona ko yaiwaka.

Higiriiri 37:20 ပူးပေါင်းရင်းမြစ်များ

Dodadi 19:28

Ho womahiadonika genangoka de womalega daena o kiaka o Sodomo de o Gomora naga o Yorodani ma dolauku. De wamake o uku ma nofo kohabirini idoaiye hoka o fongana youku ma nofo.

Sosawaro 2:22

Masara o nau-nauru abe manga datoro ka ihikaika itorou, ona Ma Jou ahao wahihupu o behehongo ma tonakino gea. De ona abe yogogere o behehongo ma tonakoka de iwihibehehongo Ma Jouika ato iwiniiki masara iwilawana de ko yodiaiua abe iwihibehehongoka, ona gea ahao Ma Jou waumo hiadono ko idadiokaua yogogere o behehongo ma tonakoka gea.

Gogao 3:16

De o kabingi ma badanga ma kiahonanga abe yagoraka gea mata-mata ihitoomuino de nia hohidemo ihidaulu la gea ena idadi o inomo ma huhuba abe ihihuba de o uku Ngohi Ma Jou o Yaweiye abe duru ihihisanangi. De kiani ngini ka ihikaika nimahihohininga abe ma haki mata-mata Ngohi Ma Jou o Yawe tomahitongohioka.

Lukasa 13:3

Masara naa Ngohi tinihingahu dika abe ko ma titiua to onangohi manga howono ilamoko Ma Jou ai himangoka hiadono ona yatomaka. De hongoli Ngohi tinihitiari tato nginioo de nia howo-howonoka abe nimaketero dika hoka onangoli yatoma-tomaka. Ho kiani ngini nitoba nia howo-howonino done nginioo ahao nibodito ma oraha Ma Jou watailako de wahohowono o nyawa!”

Lukasa 13:5

Koua, hokogenangua! Ko ma titiua to ona manga howono hiadono yadoturaba onanguku! De naa ma moioli tinihitiari nginika tato koaho ngini nimahidodiai de kiani nitoba nia howo-howonino, done nginioo ahao nibodito abe ma oraha Ma Jou ai hohowono ma wange adonoka!”

Higalioli 29:20

De onagona dika nginioka abe yomahirehene hokogea, ahao Ma Jou o Yawe ko waofiua manga howono Unangika, de ipahaino to Una ai ngamo duru kohaamoko yadaene onanguku. Abe ma behehongo naa ma demo ma koboto de ma lolae mata-mata yahidotadaene onanguku, de genangino ma ngekomo hiadono Ma Jou duru wahihanga to ona gea manga roma-romanga la ibootohi o nyawa yofetongo to ona manga romanga.

Ibarani 12:29

Angamoi duru igoungu abe nako ma oraha nanga Jou wahohowono o nyawaika de ai hohowono gea imaketero hoka o uku moi duru kohaamoko abe yahibinaaha mata-mataika abe adaene enangika. Ho gea hiadono tonahigaro tato irahai ngone naa hasoino Ma Jou ai hininga ma owa ngoneino.

2 Peturusu 2:12

Masara ona gea abe yotobadotoko ko itiaiua, ngaro ko kia-kiaua ihioriki abe ma titi Ma Jou ai malaekata abe naga de ma kuahaka, ma ona ka yongelo-ngelo dika onangika! De ona gea manga hiningaka duru yomaketero dika hoka o aewanioli ma hininga angamoi manga badanga ma hafini o kia dika naga de gea ka yaniiki. De nako ma aewani gea, ahao to ena ma baha o nyawa yataokino de yahohonenge. De gea ka imaketero dika de abe ona o rerehene yotobadotoko, angamoi to onangoo manga baha o bobinaahaika ahao yamake Ma Jouino, de gea ma titi abe ona yatobanii-niiki manga dodotoko o binaahaino.

Hihira 5:31

“Ngona Ma Jou o Yawe ani musu o Sisera wohonengoka, De ngaro nodiai la ani musu mata-mataika onangoo hoka unangoli! Masara o nyawa mata-mataika abe inidora ngaro ona nahiputurungu, La manga buturungu hohiketero de o wange ma buturungu, Hoka o wange ma dararono ma oraha ipotokaiha duru de ma buturungoka, De ngaro hokogea ka ihikaika ani nyawa manga buturungu.” Hokogea manga lolaku ma kabaata abe o ngo Debora modiai de ahao abe muna de o Baraka yonyanyi ma oraha ihirame-rame manga lolaku. De gea o Isiraele ma nyawa manga musu yahikalaka de ahao yomakao de o dame hiadono o taongo moruatino duru iriidi o Kanani ma tonaka ma amokika.