Higiriiri 37:12 - Ma Jou ai Demo-demo o Totobelohoka

¹² Masara yotobadiai itotorou gea yadohata onangika, Angamoi ko yaigoua onangika abe manga datoro imakiniiki de Ma Jou ai mau. De manga dohata ihihanguru onangika abe manga wowango itiai.

Higiriiri 37:12 ပူးပေါင်းရင်းမြစ်များ

Dodadi 39:16

De muna gea ai baju ko mapidilua ho masoino ka hiadono o Yusupu ai hidimono o Potifara woboa.

Estere 3:5

De ahao o Hamana ma oraha woboaino eko o ngorana gea watilakuru de duru wilega-lega o Modekaiika de igoungu, o Modekai ko watilabukukua de moioo de duru ko iwa ai horomati ma dodunguu unangika ho o Hamana duru wongamo de ai dohata ifae hiadono wato o Modekai wihohonenge.

Estere 3:6

Masara angamoi iwihingahuokau abe o Modekai o Yahudi ma nyawa ho o Hamana wato ufa womahibalaha o Modekaiika dika ma kiani womahibalaha o Yahudi ma nyawaikaoo! Ho o Hamana ai hidee wato wolingiri ma ngekomo la ka idadi o Yahudi ma nyawa wahibinaaha ka hiadono ona mata-mataika abe o Ahasi-weroso wahikoano kiani wahibinaahaka.

Estere 5:13

De ahao womahingahuoo abe ai hininga ma kangela, wato, “Masara ngaro hokogea ihigorakiye ma, ahi garago ko ilakua angamoi ka de timake o Yahudi ma nyawa o Modekai gea naga o koano ai tau ma ngoranoka de to ngohi ahi utumu ko tamaokaua.” Ho naa o Hamana wahingahuoka abe ai kangelaoo naga.

Higiriiri 34:22

Masara ona abe iwileleani Ma Jou o Yawe Una ahao waabangu. De o nyawa mata-mata abe yomahinganono Ma Jouika Una ahao waabangu. La gea to ona manga hohowono duru ko yadaenua onangika.

Higiriiri 37:32

De ona yotobadiai itotorou yatobagoana o totiai ma nyawaika la ato yatoma, De yalingiri o hiaka ma titi la ato itiai yahohowono de o hohonenge.

Matiusu 26:16

De ahao duru ma oraha genangoka de imahikaino de o Yudasa ma ngekomo womalingiri la ka idadi o Yesusu wihidoaka onangika gea.

Matiusu 26:4

De manga doomuoka gea de yomakoketemo la yomalingiri ma ngekomo hokokia yapake la ka idadi yomatohi-tohiki iwitaoko o Yesusu de iwihohonenge Una.

1 Samuele 18:21

Angamoi una doka ai hiningaka ipuda ai hidee moiikali o Dautika, wato, “Marai muna tomihidoaka dika unangika la modadi o modoi o Dautika la naga ma oraha moioli tamake abe ka idadi tohiaturu la o Filistina ma nyawa iwitoma.” Hokogea o Saulu ai hininga ho de ai budi ma demo wihingahu o Dautika, wato, “Marai ngohi tamakeoka ani ngekomo la ka idadiohi ngohi todadi to ngona ani toroa.” Hokogea wihingahu o Dautika.