Higiriiri 34:9 - Ma Jou ai Demo-demo o Totobelohoka

⁹ De ngohi duru toigo la Ma Jou o Yawe ai nyawa yomahuba ai himangoka, De yomahimatoko to ona manga horomati ma gou-goungu Unangika, Abe nako manga horomati de manga hininga ma gahumu Unangika, De Una ahao manga perelu mata-mata wohingodumu.

Higiriiri 34:9 ပူးပေါင်းရင်းမြစ်များ

Dodadi 22:12

De o malaekata wihingahu wato, “Abarahaama, ufa nitoma ani ngofaka gea, de ufa nidodoaika naga angamoi naa de tonihiorikoka abe ani horomati naga Ma Jouika hiadono duru nihingounu. Abe ngaro ani ngofaka ka womatengo dika, masara ko nitumungua nato nohihidoaka dika Ngohino.”

Higiriiri 2:12

Ho kiani ngini nimahitipokouku de niwidomorene Ma Jou o Ngofakika, Done Una winingamo de winihibinaaha nia karajaanga ma goronaka. Angamoi itodokanino de ka idadi ifae to Una ai ngamo nginika. Masara ona abe ko iwa manga hidee ma dorou Ma Jouika, Gea ona wahiowa angamoi yomahitatoko Unangika, Ma titi to ona manga ngongaku duru Ma Jou o Ngofakika.

Higiriiri 22:23

De ngini abe de nia horomati ma modongo Ma Jou o Yaweika, kiani niwihigiriiri! Ngini o Yakubu ai totoforauku kiani ai medebini ma dararono niagorakiye! Nimaokoino Ma Jou o Yawe ai himangoka de nia horomati ma modongo, Ngini o Isiraele ai totoforauku kiani niwihigiriiri Unangika!

Higiriiri 23:1

Ma Jou o Yawe ngohi naa wohihidadioka hoka to Una ai domba, Ho Una womahidadi hoka to ngohi ahi domba ma gogoana ma rorahai. De ahi perelu mata-mata Una duru wohihidailako.

Higiriiri 89:7

De manga higiriiri gea duru itaana, angamoi done onagonali o Horogaka yomatoteroino de Ma Jou o Yawe? Abe ngaro naga o jou-jou manga rupa hatoli imakiniiki de Una, masara duru ko iwa abe hoimoi de nanga Jou o Yawe.

Roma 8:32

De ngone ka idadi hohioriki abe Ma Jou Una duru ko womadumungua ma utumu eko ma duduhunu o kia dika ngoneino abe gea ena hoperelu la howango Unangika. De gea hohioriki abe Una ko womadumungua angamoi barikua to Una ma hirete ai Ngofaka ma ko womadumungua. Masara ai Ngofaka gea wahidoakika o nyawaika la iwihohonenge la wonaturuuru ngone mata-mata. Ho nako ai Ngofaka de ko womadumungua, gea iwihitaanoka abe o duduhunu eko ma utumu utuinoli o kia dika ma wosanangi la genangoo ka wonahidoaka dika ngoneino.

Filiipi 4:19

De nako nginioka naga nia perelu eko nia kuranga o kia dika naga, ma, ngohi tonganono ahao ahi Jouoli ti ngini nia perelu gea winihingodumu nginika. De ai hidailako gea nginika, gea ko idadiua ikuranga, angamoi o Yesusu Kristusoka de aino iboa. Abe Unangoka ma hidailako naga itou-touniye hiadono ko iwa ma baha, de gea ma titi ngohi duru tonganono ahao ti nginioli nia hidailako duru ingodu-ngodumu hiadono ko iwa ti ngini nia kuranga.