Higiriiri 34:5 - Ma Jou ai Demo-demo o Totobelohoka

⁵ Ona abe yomahinganono o duduhunu Unangino ahao yogarago, Manga himanga duru itawange de manga garago kohagiria. De manga maleke ko iwaka hiadono manga himanga ko ifufutuokaua.

Higiriiri 34:5 ပူးပေါင်းရင်းမြစ်များ

Estere 8:16

De abe duru yososanangi gea ona o Yahudi ma nyawa hiadono yalufungoka de manga garago de yorame-rame. De ona abe ko o Yahudi ma nyawaua yahitunguu manga horomati o Yahudi ma nyawaika.

Higiriiri 18:28

De igoungu abe Ngona o Yawe nodadioka hoka ahi hilo, ho ma fufutu abe ihihawoka Ngona nodiai la idadi itararonoka!

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.

1 Samuele 23:13

Ho gea o Dautu woihene de ahao una de ai nauru yaratuhu butaanga gea yomataiti yosobo o Kehila ma kotaka gea de yoiki ma homoaika de yotagi-tagi yaika yaino genangoka. De gea ipaha de naga abe iwihingahu o Saulika ato o Dautu wanoaikaka o Kehila ma kota gea. Ho ma bahauku de o Saulu ko wogila-gilaua o Kehila ma kotaika masara ka womaleloro dika ai poretino de wolio ai tauika.