Higiriiri 32:7 - Ma Jou ai Demo-demo o Totobelohoka

⁷ Ho Ngona nagou-goungu nodadioka ahi dadatoko ma ngi la o kokangela ko imahilakua ngohioka. Abe Ngona hoka nohihigilolitino de o hilaku ma nyanyianga arihononga, ho duru ko idadiua ngohi tokala.

Higiriiri 32:7 ပူးပေါင်းရင်းမြစ်များ

2 Samuele 22:1

O Dautu ai nyanyianga naa una wonyanyi Ma Jou o Yaweika abe ma oraha Ma Jou widuhunu ai musu mata-mataino. De ngaro o Saulu unangoo naga ai hidee ma dorou o Dautika masara Ma Jou duru widatoko o Dautu.

Higiriiri 18:5

De gea tamao imaketero ihipaki-pakitoka la ihiao o hohonenge ma ngiika, de hoka o lungunu ma modoi ihitaokoka.

Higiriiri 32:10

Abe o dorou ma nyawa o kangela de o huha ma ngoe yadaene, masara o nyawa abe yomahinganono o Yaweika, ona gea ka idadi yamake abe to Una ai dora ka ihikaika yahihawo-hawoino.

Higiriiri 91:1

Koaho ngini nimahitatoko Ma Jou Wokokurutiye ai timiuku, de irahai la ngini nimanoa Una Wokokurutiye ai fofongoka.

Kolose 3:3

Angamoi ngini nia wowango ma dihira ihonengoka, de ti ngini nia wowango ma hungi naga imagogonohi daku o Kristusoka, abe Una gea naga daku ai Baba ai datekoka.

Himatoko 7:10

De gea ona yopoa-poakiye iwihigiriiri de manga ilingi ma amokiye ato, “Hihigiriiri Unangika ma titi abe ngone wonaduhunoka! Hihigiriiri nanga Jou wogogeruku to Una ai kadera ma hohailoaka, de ma Domba ma Ngofaka, gea duru Onangoka dika de aino ngone hamakeoka nanga duduhunu!” Hokogea ona manga ngoe-ngoe manga higiriiri ma demo.

Hihira 5:1

De ahao naga ma wange abe o Isiraele ma nyawa yomatoomuino la iwihigiriiri Ma Jouiye de yotarimakase ma titi o lolaku manga musuika hiadono o Sisera de ai tentara yokokihonengoka. De manga doomuoka o Baraka, abe o Abinoama ai ngofaka, una de o ngo Debora ona ihikabaata de o higiriiri ma demo abe ma titi Ma Jou ai buturungu de manga lolaku ma ade-ade. De hokonaa manga kabaata ma demo abe idadi manga higiriiri ma nyanyianga: