Higiriiri 32:3 - Ma Jou ai Demo-demo o Totobelohoka

³ Ngohi ma dihiraino abe ka tolukohi tomangaku ahi howono, de gea tamao abe ahi badanga ikilauoka, de o wange-wangeiye ka tokururihi dika.

Higiriiri 32:3 ပူးပေါင်းရင်းမြစ်များ

2 Samuele 11:27

De gea ami gari ma wange muruono ipaha de ahao o Dautu ai duduhunu wahidingoto munangika la imingotaka to una ai tauika. De ahao o ngo Baseba gea womihidadi to unangoli ngoi fekata de muna ma oraha momagerewoto de ami ngofaka o nauru. Masara Ma Jou o Yawe duru ko wosanangiua abe de ena gea o Dautu wodiai.

Higiriiri 22:1

Ahi Jou, ahi Jou, adodoa ho nohinoaika ngohi? Ngohi ahi gururihi ma goronaka de o duduhunu tomagahoko Ngonaino, Adodoa ho ahi gogahoko hokogea de o duduhunu ko tamakeua? Adodoa ho Ngona ko nohigihenua, hoka nomatingaka ma gurutika?

Higiriiri 51:8

Duru tomagahoko nodiai ngohino la ahi garago ilio hoka ma dihirali, Ahi kangela naa imaketero hoka naga ahi kobongo abe natobi-tobikoka. Ho duru tomagahoko la Ngona nohihihupu ahi kangelaino naa, Ka hiadono ahi hininga iomanga de o sosanangi de ahi garago tohinyanyi.

Sosawaro 17:22

Nako homorene doka nanga hiningaka, gea imaketero hoka o houru ma doto abe duru inaduhunu. Masara nako ka ihikaika nanga hininga ma dubuho naga, gea ahao nanga magawe ihihanga de nanga badangoo ilamaanoka.

Sosawaro 28:13

Onagona dika yoluku yomangaku manga howo-howono, ona gea manga wowangoino de manga utumu ko yamakeua. Masara ona abe yomangaku de yoporete manga howo-howonika, ona ahao Ma Jou ai dora ma hiokoo itagi onangika.

Yesaya 57:17

“De igoungu ahi dohata duru ifae ma titi o nyawa manga horoodo ma dorou, ho tahohowono onangika de taporetika ma titi ahi ngamoino. Masara ngaro hokogea tadotoko o nyawaika masara ka hokogea dika yogila-gila manga pea ma dodogowini ho ko ihihingounua Ngohino.

1 Samuele 31:13

De ahao manga kuru yalungunu o gota ma amoko ma timiuku genangoka. De yodiai manga huha ma dodunguu abe ko yolomua o wange tumidino ma dekana.