Higiriiri 32:2 - Ma Jou ai Demo-demo o Totobelohoka

² De nako hiadono Ma Jou ko wohiningakauali o nyawa manga howo-howono, ona gea ka idadi duru yogarago de yoriidi manga hiningaka, angamoi ko yomahipongonua manga howo-howono.

Higiriiri 32:2 ပူးပေါင်းရင်းမြစ်များ

Yohanese 1:47

Ho yoboaino o Yesusino de ona yotagiohi iwihimangino abe o Natanele ko womahiadonuahi de o Yesusu wihidaere unangika wato, “Ho ngone naa himakeoka o nauru abe ko woelu-elukua ho itiai una naa hihiromanga o Isiraele ma nyawa ma gou-goungu.” Hokogea o Yesusu wotemo o nyawa manga himangoka.

Roma 5:13

De igoungu abe nako ngone hafikiri ma titi o howono, gea biaha ma titi naga ma pareta abe o nyawa yatilakuroka ho hato yahowonoka. Masara tanu ma dodihiraino abe Ma Jou ko wahidoakuahi ai Pareta o Musaika de o nyawa yahowonoka Unangika. Abe ngaro ma oraha o Adama de ka hiadono ma oraha Ma Jou wahidoaka ai Pareta o Musaika, masara ma oraha gea de nagau o howono o duniaka. De masara ma oraha gea de ma Pareta ko iboauahi, ho Ma Jou ko wafetongua o nyawaika wato ai Pareta yatotilakuru onangika.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

Himatoko 14:5

De ona gea manga uruoka duru ko yoelu-elukua, de ona duru o debi-debini ma nyawa angamoi ko iwa manga howono onangoka.